పిల్లలతో..అమ్మానాన్నలే తోడూనీడగా...

పిల్లలకు.. అమ్మానాన్నలే తోడూనీడగా ఉండాలని మానసిక వైద్యులు అంటున్నారు. ఇంకా బుల్లి బుడతడు ముద్దుముద్దుగా వాదిస్తుంటే చూడ ముచ్చటగానే వుంటుంది. పెద్దలకు. అయితే సహజంగా వాదనంతా పళ్ళు శుభ్రం చేసుకోవడం గురించో, పక్క నీటుగా వుంచుకోవడం గురించో, పుస్తకాలను ఓ పద్ధతిలో సర్దుకోవడం గురించి వుంటుంది.


పిల్లలకు చిన్నప్పటినుంచి ఈ నైపుణ్యాలు నేర్పడంలో తల్లిదండ్రులు శ్రద్ధ వహించాలి. ఏదో ఒక రోజున పిల్లలు ఎదిగి స్వతంత్రంగా జీవిస్తారు. పిల్లలు పెరిగే కొద్దీ వారి మేధస్సు వికసిస్తుంది. వారిలో నిబిడీకృతమై వున్న సృజనాత్మక శక్తి బహిర్గతమవుతుంది.


తల్లిదండ్రులు పిల్లల అభిరుచుల్ని, మేధాశక్తిని, ప్రత్యేక కౌశలాలను గుర్తించాలి. పిల్లలు అల్లరికి మారుపేరు. అల్లరి శృతిమించకూడదని ఆంక్షలు పెడతాం. ఇది సరికాదంటారు మనో వైజ్ఞానికులు. ఇప్పుడు వాళ్లకు విధించే శిక్షలు ఉత్తరోత్తరా వారి ప్రవర్తనపైనా, ఉద్వేగాలపైన ప్రభావం చూపిస్తాయంటున్నారు. శిక్షలు కొత్త సమస్యలను తెచ్చిపెట్టవచ్చు. పిల్లలకు క్రమశిక్షణ నేర్పించే విషయంలో వారి వయసును, మనసును పరిగణనలోకి తీసుకోవాలంటున్నారు పరిశోధకులు.


ఆరునుంచి పదమూడేళ్ళ మధ్య వయస్సు చాలా సున్నితమైనది. శారీరకంగా, మానసికంగా, భావాత్మకంగా వారిలో ఎన్నో మార్పులు చోటు చేసుకుంటాయి. ఇతరుల మీద ఆధారపడకూడదన్న తపన, స్వేచ్ఛగా వ్యవహరించాలన్న కోరిక, బయటి ప్రపంచాన్ని తెలుసుకోవాలి అన్న కుతూహలం వాళ్ళలో కనిపిస్తాయి.


ఎన్నో విషయాలలో పిల్లలు తమ సొంత తెలివితేటలను ఉపయోగించడం ముచ్చటవేస్తుంది. అయినా అప్పుడప్పుడు పనుల్ని తప్పించుకోవడానికి ఏవో సృజనాత్మక మైన సాకులు చెబుతుంటారు. సో.. అమ్మానాన్నలో ఎదిగే పిల్లలకు తోడూనీడగా ఉండాలని మనో వైజ్ఞానికులు అంటున్నారు.

మీ పిల్లలు ఇంట్లోనే ఉన్నారా?.. అయితే నిమోనియో సోకే ప్రమాదం!

మీ పిల్లలు టీవీలను అంటిపెట్టుకుని కూర్చుంటున్నారా..? ఆడుకోకుండా ఇంట్లోనే ఉన్నారా..? అయితే నిమోనియా సోకే ప్రమాదం ఉందని తాజా అధ్యయనంలో తేలింది. చైనాలోని స్కూల్ ఆఫ్ ఎనర్జీ అండ్ ఎన్విరాన్మెంట్‌కు చెందిన ప్రొఫెసర్ హువా కియాన్ బృందం నిర్వహించిన సర్వేలో నగరాల్లోని ఎత్తైన భవనాల్లో నివసించే పిల్లలకు నిమోనియా ఏర్పడే అవకాశం ఉందని తెలిసింది.


చైనా, చైల్డ్, హోమ్ అండ్ హెల్త్ అనే పథకం కింద నాన్జింగ్‌లో ఉన్న 11 జిల్లాల్లో ఈ సర్వే జరిగింది. 2010వ సంవత్సరం డిసెంబర్ నెల నుంచి 2011 మార్చి వరకు జరిగిన ఈ సర్వేలో హైటెక్ టెక్నాలజీతో కూడిన ఎత్తైన భవనాలు, అపార్ట్‌మెంట్లలో నివసించే పిల్లలకు నిమోనియా సోకే అవకాశం ఉందని తెలియవచ్చింది. భవనాలు, అపార్ట్‌మెంట్లలో ఉండే పిల్లలకు కావాలిసినంత గాలి లభించకపోవడంతో నిమోనియా సోకే ప్రమాదముందని తెలిసింది.

రాత్రివేళ కొరివి దెయ్యాలు ఉంటాయా?

రాత్రి వేళ పొలాల్లో కొరివి దెయ్యాలను తాము చూశామని చాలా మంది గ్రామీణులు చెపుతుంటారు. ముఖ్యంగా ఈ తరహా దెయ్యాలు ఎక్కువగా అటవీ ప్రాంతంలో కనిపిస్తుంటాయని, మంటతో నడుస్తూ, పరుగెత్తుతూ వెళుతుంటాయని చెపుతుంటారు.


అయితే, రాత్రి పూట మంటలు కనిపించడం సహజమేనని పలువురు చెపుతారు. ఈ మంటలు కొరివి దెయ్యాలకు చెందినవి కావని, పక్షుల రెట్టలు, వృక్ష, జంతుజాల అవశేషాలలో ఉండిపోయే సోడియం, గంధకం, ఫాస్పరస్ వంటివి తేలికగా మండే గుణంగల ధాతువులు భూమి మీద ఉష్ణోగ్రత మార్పుల వల్ల మండుతాయన్నది నిజం.


ఇదే తరహా మార్పులు పగటి పూట కూడా చోటు చేసుకుంటాయి కూడా. అయితే, భానుడి వెలుగుల ముందు అవి కంటికి కనిపించవని చెపుతున్నారు. రాత్రివేళ మండినపుడు చీకటి వల్ల కనిపిస్తాయని చెపుతున్నారు.

భారతదేశపు గొప్ప ఆయుర్వేద వైద్యుడు చరకుడు

ఆయుర్వేద శాస్త్రంలో సువిఖ్యాతులు చరక, సుశ్రతులు. చరకుడు ఆయుర్వేద వైద్య రంగంలో మంచి పేరుగడించారు. సుశ్రతుడు గొప్ప శస్త్ర చికిత్సకుడు. వీరిద్దరిలో చరకుడు క్రీస్తు పూర్వం 800 కాలానికి చెందినవాడుగా పేర్కొంటారు. ఇదేవిషయాన్ని అతని బృహద్గ్రంథం 'చరక సంహిత'లో కూడా స్పష్టంగా ఉంది.


చరకుడు అనే పేరులో కూడా నిఘూడార్థం ఉంది. 'చర్' అనగా చలించుట. తన పేరుకు తగినట్టుగానే చరకుడు నిరంతరం సంచరిస్తూ రోగులకు చికిత్స చేస్తూ వచ్చేవాడు. ఈయనతో పాటు అమెరికాలోని ఫిలడెల్ఫియాకు చెందిన డాక్టర్ క్కార్క్‌లు కలిసి కనుగొన్న వైద్య విధానంలో దీర్ఘరోగ నివారణలో అత్యంత ఉపయుక్తమైనదిగా గుర్తింపు పొందింది.

దిక్కులు చూస్తూ భోజనం చేయరాదు.. ఎందుకని?

పిల్లలు మొదలుకుని పెద్దల వరకు చాలా మంది దిక్కులు చూస్తూ భోజనం చేస్తుంటారు. మరికొంతమంది అన్నం తింటూనే ఏదో పుస్తకం లేదా పేపర్ చదువుతుంటారు. ఇలా తినకూడదని మన పెద్దలు ఆనాడే చెప్పారు. అలా తినడాన్ని పెద్దలు చూస్తే మందలిస్తారు కూడా. ఇలా ఎందుకు మందలిస్తారన్న అంశం చాలా మందికి తెలియదు. దీనికి వెనుక ఓ సైన్సే ఉందంటున్నారు ఆహార నిపుణులు.


ఆహారం తినేటపుడు దాని రుచి, రంగు, వాసనలు బాగా గమనించి మెదకుడు చేరవేసినపుడే జీర్ణరసాలు విడుదలై జీర్ణక్రియ సక్రమంగా పని చేస్తుందట. అలా జరిగినపుడు ఆహారం బాగా వంటబడుతుందని చెపుతున్నారు.


చాలా మంది పిల్లలకు టీవీ చూస్తూ భోజనం చేస్తుంటారు. ఇలాంటి పిల్లలకు ఆహారం వంటబట్టదని అనేక తాజా సర్వేలు కూడా వెల్లడించాయి. వారి దృష్టి ఆహారం మీద కాకుండా, టీవీపైనే కేంద్రీకృతమై ఉంటుందని అందువల్లే భోజనం చేసే సమయంలో దిక్కులు చూడకుండా తినాలని మన పెద్దలు చెప్పేవారట.

మా చెడ్డ "ఒత్తిడి".. వదిలించుకనేదెట్లా...?

మానవ దైనందిన జీవితంలో ఎన్నో ఒడిదుడుకులు.. ఉరుకుల పరుగుల జీవన పోరాటంలో తరచూ మానసికంగా, శారీరకంగా ఒత్తిడికి గురవుతుంటాం. ఆర్థికం, సామాజికం, కుటుంబం, ఉద్యోగం, ప్రేమ ఇలాంటి పలు కారణాలు ఒత్తిడి కారణమవుతుంటాయి. ఈ ఒత్తిడిని నివారించుకునేందు రసాయన మందులపై ఆధారపడే కన్నా సహజసిద్ధంగా ఎలా నివారించుకోవచ్చో ఒకసారి చూద్దాం...!!

సుధీర్ఘ శ్వాస - బాగా ఒత్తిడిగా ఉన్నప్పుడు 10 నిమిషాల పాటు సుధీర్ఘ శ్వాసను తీసుకున్నట్లయితే ఫలితం ఉంటుంది. ప్రతిరోజూ ఉదయాన్నే ఈ వ్యాయామాన్ని పాటిస్తే చక్కటి ప్రయోజనం ఉంటుంది.

వ్యాయామం - వ్యాయామానికి మించిన ఔషధం మరొకటి లేదనే చెప్పాలి. ప్రతిరోజూ వ్యాయామం చేయడం ద్వారా ఒత్తిడిని నివారించవచ్చు. ఉదయాన్నే వాకింగ్ చేయడం, సైక్లింగ్, జిమ్, జాగింగ్, యోగా వంటి వ్యాయామాలు చేయడం వల్ల ఒత్తిడి తొలగిపోవడంతో పాటు, ఆరోగ్యం, చక్కని శరీరాకృతి లభిస్తాయి.

ఆరోగ్యమైన తిండి - సరైన తిండి తీసుకోకపోవడం వల్ల ఒత్తిడి తలెత్తుతుంది. తాజా పండ్లు, పండ్ల రసాలు, సలాడ్‌లు వంటివి తీసుకోవడం వల్ల కూడా ఒత్తిడికి దూరంగా ఉండవచ్చు. అధిక ఫ్యాట్, అధిక కార్బోహైడ్రేట్లు ఉండే ఆహారానికి దూరంగా ఉండాలి.

హాయిగా నిద్రపోండి - బాగా ఒత్తిడిగా ఉన్నప్పుడు నిద్ర సరిగ్గా పట్టదు. కానీ సరైన నిద్ర లేకపోవడం వల్ల కూడా ఒత్తిడి పెరుగుతుంది. కాబట్టి అటు ఎక్కువగా.. ఇటు తక్కువగా కాకుండా.. రోజుకు ఎనిమిది గంటలపాటు నిద్రిస్తే ఒత్తిడి దూరమవుతుంది. వీలైనంత వరకూ పగటిపూట నిద్రకు దూరంగా ఉంటే మంచిది. ఎక్కువగా నిద్రపోవడం వల్ల శక్తిని కోల్పోవడం జరుగుతుంది. కాబట్టి నిద్ర విషయంలో సరైన మెలకువలు పాటిస్తే.. ఒత్తిడికి దూరంగా ఉండవచ్చు.

కోరికలు - మీరు బాగా ఒత్తిడికి గురైనప్పుడు సినిమాకు వెళ్లడం, స్నేహితులను కలుసుకోవడం, మీకు ఇష్టమైన పుస్తకాలను చదుకోవడం, ఇష్టమైన ప్రదేశాలకు వెళ్లడం వంటివి చేయడం కూడా మంచి ఫలితాలనిస్తాయి.

చుండ్రు సమస్యకు పరిష్కారం

తలపైన చుండ్రు పెద్ద సమస్య కాదు. తల వెంట్రుకలు సరిగా శుభ్రం చేసుకోకపోవడం వల్ల తన వాసన వేస్తూ ఉంటుంది. తలపైనగల చర్మం పొడిగా ఉన్నట్లయితే చుండ్రు వస్తుందన్నది అపోహ మాత్రమే. తల వెంట్రుకలు తక్కువగా శుభ్రం చేస్తారనీ, అలా ఉందని చాలామంది భ్రమపడుతుంటారు. కానీ వాస్తవంగా ఎక్కువ ఆయిల్ ఉన్నప్పుడే చుండ్రు ఉంటుంది.

దీనిని నివారించేందుకు క్రమంతప్పకుండా షాంపూతో తలస్నానం చేస్తూ ఉంటే చర్మంపైన పొట్టు లేకుండా ఉంటుంది. ఓటీసి డాండ్రఫ్ షాంపూను వాడితే ఫలితం వుంటుంది.

జింక్ పైరిథియోన్(ఇది ఫంగస్ బ్యాక్టీరియా నాశని) వాడితే తలపైగల బ్యాక్టీరియా నిర్మూలింపబడుతుంది. కొన్ని వారాలపాటు ఇలా చేసినప్పటికీ చుండ్రు తగ్గకపోయినట్లయితే డాక్టరను సంప్రదించాలి.

వర్షాకాలంలో పాదాలు... జాగ్రత్తలు

చెప్పులు లేకుండా పాదాలు తరచూ నీళ్లలో తడిస్తే పాదాల నుంచి ఒక రకమైన వాసన రావచ్చు. బూట్లు వేసుకుంటే పాదాల్లో ఉండే తడికి బ్యాక్టీరియా ఏర్పడుతుంది. దీనివల్ల పాదాలు దుర్గంధపూరితమవుతాయి. ఒకవేళ సాక్సులు లేకుండా ఉంటే పాదాలకు పోసే చెమటను పీల్చుకునే సదుపాయం ఉండదు. అందువల్ల ఫంగస్ నిరోధక పౌడరును పాదాలకు వాడినట్లయితే పాదాలు పొడిగా ఉంటాయి.

రాత్రిపూట బ్యాక్టీరియాను నాశనంచేసే వెనిగర్ కలిసిన నీటిలో పాదాలు ముంచి శుభ్రం చేసుకోవాలి. ఒక భాగం వెనిగర్, రెండు భాగాలు నీరు కలపాలి. అలాగే బ్లాక్ టీతో 30 నిమిషాలపాటు పాదాలు తడిసేలా ఉంచినా మంచి ఫలితం కనబడుతుంది.

టానిస్( ఒక చెట్టు బెరడు) కూడా బ్యాక్టీరియాను నశింపజేస్తుంది. సూక్ష్మరంధ్రాలు మూసుకుపోతాయి. దీనివల్ల పాదాలు ఎక్కువసేపు పొడిగా ఉంటాయి.

వ్యాయామం చేయాలనే ఉంది.. కానీ వళ్లు బద్ధకం... అంటే ఎలా?

ఏ పని చేయడానికైనా ముందుగా కావాల్సింది మోటివేషన్. ఏ పనినైనా కొన్నాళ్లు కొనసాగిస్తే తర్వాత అలవాటు పడిపోతారు. అలా అలవాటు పడేంతవరకూ ప్రత్యేక శ్రద్ధ అవసరం. ఓ పది కిలోలు బరువు తగ్గాలని భావించింత మాత్రాన సరిపోదు.

ఆ దిశగా ప్రయత్నాలు కొనసాగించాలి. చిన్నచిన్న టార్గెట్స్ పెట్టుకోవాలి. అది పూర్తయ్యేంత వరకూ ఓపికగా ఇంట్లోనో, జిమ్ సెంటర్లోనో వ్యాయామం చేయాలి. వాకింగ్, సైక్లింగ్, కార్డియో ట్రైనింగ్, పుషప్‌లు, మెట్లెక్కి దిగడం... ఇలా ఎటువంటి వ్యాయామమైనా ఓ పద్ధతిగా కొనసాగిస్తూ ఉండాలి.

ఫిట్‌నెస్ కోసమే అయితే ప్రత్యేక ట్రైనర్ అవసరం లేదు. కానీ బరువు తగ్గాలనుకునేవారికి మాత్రం నిపుణుల సలహా అవసరం.

నిత్య యవ్వనులుగా ఉండాలనుకుంటున్నారా...? ఐతే ఎర్రెర్రటి బెర్రీస్ తినండి

బెర్రీస్ అనే ఈ పండ్లు పలు రంగుల్లో వస్తాయి. వీటిలో బ్లాక్‌బెర్రీ తప్పించి మిగిలినవన్నీ తినతగినవే. బ్లూ, రెడ్, స్ట్రాబెర్రీ, క్రేన్ బెర్రీస్ అనే ఈ పండ్లలో యాంటీ ఆక్సిడెంట్స్ పుష్కలంగా ఉంటాయి.

బెర్రీ పండ్లలో పీచు పదార్థం, వర్ణకాలు మెదడు కణాలను, రక్త నాళాలను ఫ్రీరాడికల్స్ ప్రభావం నుండి రక్షిస్తాయి. ఫలితంగా వయసు మీరినట్లుగా కనిపించదు.

అంతేకాదు వీటిని తీసుకోవడం వల్ల చర్మ కొత్త నిగారింపును సంతరించుకుంటుంది. కాంతులీనే చర్మంతో మెరిసిపోతారు. మరింకెందుకాలస్యం బెర్రీస్‌ను ఓ పట్టుపట్టండి... మరింత అందంగా మారిపోండి.

కాస్త ఒంటికి పనిచెప్పండి.. లేదంటే నొప్పులే నొప్పులు

నేటి ఆధునిక జీవనశైలి కారణంగా వ్యాయామానికి అస్సలు చోటే లేకుండా పోయింది. కూర్చున్నచోటు నుంచి లేవకుండా అదేపనిగా 12 గంటలకు పైగా పనిచేయడం మామూలైపోయింది. ఇలా ఎక్కువసేపు సీట్లో కూర్చుని అటూఇటూ కదలకుండా పనిచేయడం వల్ల స్థూలకాయంతోపాటు మోకాళ్ల నొప్పులు మొదలవుతున్నాయి.

మోకాళ్ల నొప్పులకు కారణాలేంటి..?
ప్రధానంగా మోకాళ్ల జాయింట్ మధ్యలో ఉన్న మృధులాస్తి, సైనోవియల్ ఫ్లూయిడ్‌లో వచ్చే మార్పుల వల్ల మోకాలి ఎముకల అరుగుదల చోటుచేసుకోవడంతో నొప్పులు మొదలవుతాయి. అధికబరువు కూడా దీనికి తోడవడంతో మోకాళ్ల నొప్పులు తీవ్రరూపం దాల్చుతాయి.

గమనించడం ఎలా...?
మెట్లు ఎక్కుతున్నప్పుడు మోకాళ్లు బాగా నొప్పెడతాయి. అదేవిధంగా కూర్చొని పైకి లేచేటపుడు మోకాళ్లు పట్టుకుపోతాయి. ఉదయంపూట లేవగానే నడిచేందుకు మోకాళ్లు సహకరించకుండా ఉంటాయి. నడుస్తున్నప్పుడు మోకాళ్ల వద్ద చిన్నచిన్న శబ్దాలు వస్తున్నట్లు తెలుస్తుంది. ఇటువంటి లక్షణాలుంటే ఇక అశ్రద్ధ కూడదు.

ఎలాంటి జాగ్రత్తలు తీసుకోవాలంటే....
ముఖ్యంగా కుర్చీని అంటిపెట్టుకుని పనిచేసేవారు కనీసం గంటకోసారైనా ఓ పది నిమిషాలు అలా అటూఇటూ నడవడం చేయాలి. ఇక స్థూలకాయం కలిగి ఉన్నవారు తమ బరువును తగ్గించుకునేందుకు చర్యలు తీసుకోవాలి. ఇక ఆహారపదార్థాల విషయానికి వస్తే... ఉప్పు, వంటలలో నూనె మోతాదులను తగ్గించుకోవడం మంచిది.

మాంసాహారం, మద్యం, పొగతాగడం వంటి అలవాట్లున్నవారు వెంటనే వాటికి దూరంగా ఉండాలి. క్యాల్షియం పుష్కలంగా ఉన్నటువంటి పాలు, గుడ్లు, పెరుగు వంటివి తీసుకోవాలి. మంచినీళ్లు సరిపడినన్ని తాగుతుండాలి. కొంతమంది పనిలోపడితే గొంతు పిడచకట్టుకపోతున్నా తలతిప్పరు. ఆ అలవాటును మానుకుని ఆరోగ్యంపైనా శ్రద్ధ పెట్టాలి. ఆరోగ్యంగా లేకపోతే పనిని కూడా సమర్థవంతంగా చేయలేరు. నాణ్యత తగ్గుతుంది.

ఇక అన్ని జబ్బులకు మంచి మందు వ్యాయామం. వ్యాయామం, నడక వల్ల అధిక బరువు సమస్య దరిచేరదు. తద్వారా మోకాళ్ల నొప్పులు రాకుండా జాగ్రత్త పడవచ్చు.

బలహీనంగా ఉన్న వాళ్ళు పుష్టిగా మారాలంటే..!

* వేరుశనగపప్పులను పచ్చివి కాని వేయించిన వాటిని కాని రోజూ తింటే శరీరం శక్తివంతమవుతుంది.

* మిరియాల పొడిలో నువ్వుల నూనె కలిపి పక్షవాతానికి గురైన ప్రదేశంలో క్రమం తప్పకుండా రోజూ మర్దన చేస్తే ఫలితం ఉంటుంది.

* ఒక గ్లాసు పాలలో ఒక టీ స్పూన్ నెయ్యి, కొద్దిగా అల్లం రసం కలిపి క్రమం తప్పకుండా రోజూ తాగితే బలహీనంగా ఉండే వాళ్లు పుష్టిగా మారతారు.

* ఒక గ్లాసు నీటిలో ఒక టీ స్పూన్ త్రిఫలచూర్ణం (షాపులలో దొరకుతుంది) కలిపి రాత్రంతా నాననిచ్చి ఉదయాన్నే పలుచని వస్త్రంలో వడపోసి ఆ నీటితో క్రమం తప్పకుండా రోజూ కళ్లను కడుక్కుంటే కళ్లు కాంతివంతమవుతాయి. కళ్లకు సంబంధించిన రుగ్మతలు తొలగిపోతాయి.

దీర్ఘకాలంగా భాదిస్తున్న దగ్గు తగ్గాలంటే ఏం చేయాలి.....

* ఒక కప్పు నీటిలో అర టీ స్పూన్ అల్లం తురుము, కొద్దిగా టీ పొడి, రెండు మూడు తులసి ఆకులు వేసి పది నిమిషాల పాటు మరిగించి దింపాలి. చల్లారిన తరువాత ఈ కషాయాన్ని తాగితే గొంతులో గరగర పోతుంది.

* రెండు టీ స్పూన్‌ల నువ్వుల నూనెలో ఒక కోడిగుడ్డు సొన వేసి బాగా గిలక్కొట్టాలి. ఈ మిశ్రమాన్ని క్రమం తప్పకుండా మూడు రోజుల పాటు తాగితే నెలసరి క్రమబద్ధం అవుతుంది.

* కొన్ని తులసి ఆకులని దంచి రసం తీయాలి. ముఖం మీద గాని, చేతుల మీద గాని ఏర్పడ్డ తెల్ల మచ్చలపై ఈ రసాన్ని రాసుకుని, ఆరాక శుభ్రపరుచుకోవాలి. రోజూ ఇలా చేస్తూ ఉంటే మచ్చలు మెల్లి మెల్లిగా తగ్గుముఖం పడతాయి.

* మూడు కప్పుల నీళ్ళలో రెండు తమలపాకులు వేయాలి. నాలుగు మిరియాలను పొడిగా చేసి ఇందులో కలపాలి. అన్నీ కలిపి 15 నిమిషాలపాటు మరగబెట్టి దింపేయాలి. ఇందులో టీ స్పూన్ తేనె కలుపుకుని ఉదయం, సాయంత్రం తాగాలి. ఈ కషాయం తాగడం వల్ల పొడి దగ్గు తగ్గడమే కాకుండా ఛాతీలో పట్టినటుగా ఉన్నా కూడా ఉపశమనం లభిస్తుంది.

* కప్పు నీటిలో మూడు మల్బరీ ఆకులను వేసి పది నిమిషాల పాటు మరగబెట్టి దింపి చల్లార్చాలి. ఇందులో కోడిగుడ్డులోని తెల్ల సొన కలుపుకుని తాగాలి. దీర్ఘకాలంగా బాధిస్తున్న దగ్గు తగ్గుతుంది.

ఆహారాన్ని నమిలి తినండి..ఒబేసిటీకి చెక్ పెట్టండి

ఒబేసిటీతో బాధపడుతుంటే బరువు తగ్గడం కోసం ఆహార నియంత్రణ పాటించడం కోసం ఎక్కువ కష్టపడాల్సిన అవసరంలేనట్లే ఉంది ఈ ఆక్యుప్రెషర్ చిట్కాలను చూస్తే. శరీరంలో ప్రెషర్ పాయింట్లను గుర్తించి కరెక్ట్‌గా అక్కడ ఒత్తిడి కలిగించే చిన్నపాటి వ్యాయామం ద్వారా ఆకలిని అదుపు చేయవచ్చట.

పై పెదవి మధ్యభాగంలో, ముక్కుకు కింద భాగంలో, నాభికి ఒక అంగుళం కింద, ఒక అంగుళంపైన వేళ్లతో నొక్కాలి. ఇలా రోజుకు మూడు నుంచి నాలుగు సార్లు చేయాలి. ఒక్కొక్కసారి ఐదు నిమిషాల పాటు చేయాలి.

ఆహారాన్ని బాగా నమిలి తినే అలవాటున్న వాళ్లలో ఒబిసిటీ తక్కువగా చూస్తాం. నమల కుండా మింగే అలవాటు ఉండి, ఒబేసిటీతో బాధపడుతున్న వాళ్లు ఇప్పటికైనా ఆహారాన్ని నమిలి తినడం అలవాటు చేసుకుంటే మంచిఫలితం ఉంటుందంటున్నారు నిపుణులు.

నోట్లో పెట్టుకున్న పదార్థం మెత్తగా గ్రైండ్ అయ్యే వరకు నమలడం అలవాటు చేసుకుంటే తిన్న ఆహారంలోని పోషకాలు సక్రమంగా శరీరానికి అందడంతోపాటు ఒబేసిటీ కూడా తగ్గుతుంది. ఎక్కువ పరిమాణంలో ఆహారాన్ని తీసుకోలేరు, పైగా శరీరానికి తగినంత తినగానే జీర్ణవ్యవస్థ ఇకచాలని హెచ్చరికలు జారీ చేస్తుంది.

పాల గిన్నె అంచులకు కొద్దిగా నూనె రాస్తే..!

* పాల గిన్నె అంచులకు కొద్దిగా నూనెరాస్తే పాలు పొంగి బయటకు పోవు.

* పెరుగు పుల్లగా ఉంటే నాలుగు కప్పుల నీళ్లు పోసి అరగంట తర్వాత ఒంపేయాలి. ఇలా చేస్తే పెరుగులో పులుపు పోతుంది. కాని, నీటితోపాటు పోషకాలు కూడా పోతాయి. అందుకే ఈ నీటికి వృధాగా పారబోయకుండా చపాతీలు కలుపుకోవడానికి వాడుకోవచ్చు.

* సూప్‌లు, గ్రేవీలు చేసేటప్పుడు సమయానికి క్రీమ్ లేకుంటే దాని బదులుగా పెరుగు, పాలు కలిపిన మిశ్రమాన్ని వాడవచ్చు.
* పాల గిన్నె అంచులకు పలుచటి కాటన్ క్లాత్ కట్టి రాత్రంతా ఫ్రిజ్‌లో పెడితే పాలలోని కొవ్వు మొత్తం పైకి తేలి మందపాటి మీగడ పొర తయారవుతుంది.

* శీతాకాలంలో పెరుగు తయారు కావడానికి ఎక్కువ సమయం పడుతుంది. ఆ గిన్నెను వేడిగా ఉండే ప్రదేశంలో ఉంచితే పెరుగు గట్టిగా తయారవుతుంది.

* పెరుగు ఎక్కువ మోతాదులో మిగిలితే ఆ గిన్నె నిండుగా నీళ్లు పోసి ఫ్రిజ్‌లో పెట్టాలి. రోజూ ఆ నీళ్లను మారుస్తూ ఉంటే పెరుగు పుల్లబారకుండా తాజాగా ఉంటుంది.

వదలని మొండి చుండ్రు.. ఏంటి పరిష్కారం..?!!

నేడు ప్రతి ఒక్కరూ చుండ్రు సమస్యతో బాధపడుతున్నవారే. ఈ చుండ్రు రావడానికి కారణాలు అనేకం. పోషకాహార లోపం, మానసిక ఒత్తిడి, మలబద్దకం, శరీరంలో పేరుకున్న విషపూరిత పదార్థాలు వంటివన్నీ చుండ్రు రావడానికి కారణమవుతుంటాయి. తలలో నిలిచే తేమ, సరిపడని కొన్ని షాంపూల వాడకం కూడా చుండ్రు సమస్యను తెస్తుంది. అటువంటి చుండ్రు సమస్యకు కొన్ని పరిష్కార మార్గాలు మీకోసం...

రెండు స్పూన్ల మెంతులను రాత్రంతా నీటిలో నానబెట్టి, ఉదయాన్నే ముద్దగా నూరాలి. ఆ మెంతి ముద్దను మాడుకు పట్టించి, అరగంట తర్వాత శీకాయ పొడితో తలస్నానం చేయాలి.

తలస్నానం చేసేటపుడు చివరిగా తాజా నిమ్మరసం తలమీద అంటుకుని నీటిని పోసుకోవాలి. రెండు చెంచాల పెసరపిండి, ఒక కప్పు పెరుగు కలిపి తలకు పట్టించి స్నానం చేయడం వల్ల చుండ్రు సమస్యను వదిలించుకోవచ్చు.

బీట్ రూట్ వేరుతోసహా నీటిలో వేసి మరిగించి ఆ నీటిని మాడుకు ప్రతి రాత్రి మర్దన చేయాలి.

నిమ్మ చుక్కలు, ఉసిరి రసం వేసి కలిపిన పుల్ల పెరుగును ప్రతిరోజూ మాడుకు పట్టించి అరగంటసేపు ఉంచినా లేక రాత్రి పడుకునే ముందు పట్టించి ఉదయం నిద్ర లేవగానే తలంటు స్నానం చేయాలి. ఈ చిట్కాలను పాటిస్తే చుండ్రు సమస్యను వదిలించుకోవచ్చు.

వానకాలంలో తీసుకోవాల్సిన జాగ్రత్తలు

దగ్గినా, తుమ్మినా.. చేతుల్ని అడ్డు పెట్టుకుంటాం. అయితే ఆ తరువాత చేతుల్ని తుడిచేసుకుంటే సరిపోదు. కానీ అలా అడ్డుపెట్టుకున్నప్పుడల్లా సబ్బునీటిలో చేతుల్ని శుభ్రంగా కడుక్కోవాలి. అప్పుడే క్రిముల సమస్య ఉండదు. అయితే చేతులపై దగ్గు, తుమ్ము తాలూకు తుంపర్లు పడకుండా టిష్యూ వాడితే మరీ మంచిది. అలా వాడిన వాటిని ఎప్పటికప్పుడు పారేయాలి.

జలుబు ఒకరి నుంచి మరొకరికి వ్యాపిస్తుంది. అందుకే.. అలాంటి సమస్య ఉన్నప్పుడు ముక్కు, నోరు, కళ్లను చేత్తో ముట్టుకోకపోవడమే మంచిది. మొటిమల సమస్య ఉన్నప్పుడు కూడా చేత్తో తాకడానికి ప్రయత్నించకూడదు.

క్రిములు చేతులపైనే కాదు... నోట్లోనూ ఉంటాయి. కాబట్టి ప్రతిరోజు రెండుసార్లు ఫ్లోరైడ్ ఉన్న టూత్‌పేస్టుతో పళ్లు తోముకోవాలి. నాణ్యమైన టూత్‌బ్రష్‌ను ఎంచుకోవాలి. దంతాల మధ్య ఇరుక్కున్న పదార్థాల్ని తొలగించేందుకు పిన్నులు, టూత్‌పిక్స్ లాంటివి కాకుండా నాణ్యమైన ఫ్లాస్‌ని ఎంచుకుని పుక్కిలించాలి.

‌క్రిములు చేరే స్థానాల్లో వంటిల్లు కూడా ఒకటి. అందుకే ప్రతి రోజు నాణ్యమైన డిస్ఇన్‌ఫెక్టంట్‌తో వంటిల్లు, ఇతర గదుల్ని తుడవాలి.

పరిశుభ్రమైన మంచినీటిని తాగకపోయినా కూడా సమస్య తప్పదు. అందుకే ఇంట్లోంచి బయటకు వెళ్తున్నప్పుడు తప్పనిసరిగా మంచినీళ్ల సీసా తీసుకెళ్లాలి. అలాగే జలుబుతో బాధపడుతున్నవారు వాడే మంచినీళ్లసీసాను తీసుకోకపోవడమే మంచిది.

ఈ కాలంలో ప్రయాణించాల్సి వస్తే కోసిన పండ్లు, కూరగాయ ముక్కలు, ఫ్రిజ్‌లో పెట్టని పాలు, పాల ఉత్పత్తులు, పండ్లరసాలు, బంగాళాదుంపలు, అన్నం వంటివి ఎంచుకోకూడదు. ఇలాంటి వాటిల్లో క్రిములు సులువుగా చేరతాయి. రోడ్డుప్రక్కన లభించే పదార్థాలను ఈ కాలమంతా మానేయడమే మంచిది. వెంట శానిటైజర్‌ను కూడా తప్పనిసరిగా తీసుకెళ్లాలి. ఎప్పటికప్పుడు చేతుల్ని శుభ్రం చేసుకోవడం సులువవుతుంది.

పిల్లలకు గాయాలైతే కట్టుకట్టడం మేలు. లేదంటే వాటిల్లో క్రిములు చేరి సమస్య మరింత పెద్దదవుతుంది. ప్రథమచికిత్స చేస్తే మరీ మంచిది.

చెత్తడబ్బాలపై మూత తప్పనిసరిగా ఉంచాలి. వీటినుంచే ఈగలు, దోమలు ఇంట్లోకి చేరుతాయి. ఎప్పటికప్పుడు చెత్తను ఖాళీచేసి, శుభ్రంగా కడిగి మూతపెట్టాలి.

ప్రతిరోజు కనీసం పదినిమిషాలు ఎండలో ఉంటే క్రిముల సమస్యను పూర్తిగా నివారించవచ్చు. ఎందుకంటే.. ఎండనుంచి విటమిన్ డి అందుతుంది. ఇది ఎండార్ఫిన్లను విడుదల చేస్తుంది. పరోక్షంగా శరీరం శక్తిమంతంగా తయారవుతుంది. అయితే.. ఉదయం ఏడుగంటల లోపల వచ్చే ఎండలో కూర్చుంటే అతినీల లోహిత కిరణాల ప్రభావం ఉండదు.

రోగనిరోధక వ్యవస్థ దృఢంగా పనిచేయాలంటే... క్రిములు, ఇన్‌ఫెక్షన్ల సమస్య ఉండదు. అందుకే... పండ్లు, కూరగాయలను ఎక్కువగా తీసుకోవాలి. అయితే వాటిని తినేముందు ఒకటికి రెండుసార్లు కడగడం మరవకూడదు.

ఆహారం జీర్ణం కావడానికి తీసుకోవలసిన జాగ్రత్తలు.

వయసు మీద పడిన వారు ఎన్నో రకముల వ్యాధులకు గురికాగలరు. అందులో ముఖ్య మైనది అజీర్తి కడుపు ఉబ్బరం సమస్య. వయసు మీద పడిన వారు బయటకు వెళితే ఎక్కడ పడిపోతామోనన్న భయంతో ఇంటికి పరిమితం అవుతారు. దీంతో అజీర్తి, కడుపు ఉబ్బరంగా ఉండటం సర్వసాధారణం. అజీర్తి క్రమంగా మలబద్ధకానికి, శరీరం రోగ గ్రస్తం కావడానికీ దారి తీస్తుంది.

అందుకే రోజూ కనీసం 30 నిమిషాల పాటు వాకింగ్ చేయాలి. కడుపు ఉబ్బరాన్ని కలిగించే పదార్థాలను గుర్తించి, వాటికి దూరంగా ఉండడం 60 దాటిన వారంతా చేయాల్సిన పని అంటున్నారు పోషకాహార నిపుణులు. ముదుమిలో కొంపముంచే అలవాట్లు, ఆహారం ఏమిటో చూద్దాం.

* సిట్రిక్ ఆమ్లం అధికంగా ఉండే బత్తాయి. నిమ్మకాయ, టమాటాలను తినకూడదు.
* మద్యపానం, పొగతాగడం మానుకోవాలి.
* మలబద్ధకాన్ని నివారించేందుకు పీచు పదార్థం ఎక్కువగా ఉండే ఆకు కూరలు, కూరగాయలు ఎక్కువగా తీసుకోవాలి. జామ, అరటి పళ్లు కూడా తీసుకోవాలి.
* మొలకెత్తిన గంజలు శ్రేష్ఠం. రోజూ తప్పని సరిగా మొలకెత్తిన గింజలు తినాలి.
* నీళ్లు బాగా తాగాలి. రాత్రివేళ తరుచూ మూత్రవిసర్జనకు వెళ్లే సమస్య ఉంటే నిద్రాభంగం కావచ్చు. అలాంటి వారు పగటి పూట నీళ్లు బాగా తాగి, రాత్రివేళ తీసుకునే మోతాదు తగ్గించాలి.
* దంత సమస్యలు ఉన్న వారు కాస్త ఎక్కువగా ఉడికించిన పదార్థాలను, రాగి జావ, పెరుగు అన్నం లాంటి ద్రవ పదార్థాలను ఎక్కువగా తీసుకోవాలి. గట్టి పదార్థాలను తీసుకునే మోతాదు తగ్గించాలి.
* బాగా నమిలి తినడం ద్వారా ఉబ్బరం సమస్య చాలా వరకు దూరంగా ఉంటుంది. దంతాలు పూర్తిగా పోయిన వారు కృత్రిమ దంతాలు వాడటం చాలా అవసరం.

జీర్ణక్రియ బాగా జరగడానికి ఉపయోగపడే కొన్ని సూచనలు.

సాధారణంగా కాస్త వయస్సు మీద పడిన వారిని చూసామంటె వారు అజీర్తితో బాధపడుతూ వుంటారు. వారు భుజించిన ఆహారం గొంతులోనే ఉన్న భావనతో వుంటారు. మరికొందరికి రాత్రి భుజించిన ఆహారం ఉదయము వరకు అట్లే జీర్ణంకాకుండా, రాత్రంతా చాలా ఇబ్బందిపడుతూ ఉంటారు.

ఈ రకమైన ఇబ్బందులను ఎదుర్కొను వారు ఈ క్రింది సూచనలను పాటించినచో అజీర్తి నుంచి ఉపసమనం పొంది, ఆరోగ్యంగా, ఉత్సాహంగా ఉండవచ్చును.

* ఉదయాన్నే మొదటగా ఒక గ్లాసు గోరువెచ్చటి నీటిలో ఒక టేబుల్ స్పూన్ నిమ్మరసం కలిపి తాగాలి. ఇది జీర్ణవ్యవస్థను శుభ్రపరుస్తుంది. కెఫన్ ఉన్న పదార్థాలు ఆరోగ్యానికి హాని చేస్తాయి.

* ఉపాహారంగా నూనె లేకుండా వండిన తేలికగా జీర్ణమయ్యే పదార్థాలనే తీసుకోవాలి. ఇది రోజువారీ పనులను ఉల్లాసంగా చేయడానికి పనిచేస్తుంది.

* నిద్రపోయే ముందు ఒక గ్లాసు వేడిపాలలో కొద్దిగా శొంఠిపొడి, ఏలకుల పొడి వేసుకొని తాగాలి. ఏలకులు పిత్తాన్ని, అల్లం కఫాన్ని తొలగిస్తాయి.

* మధ్యాహ్నం రెండు గంటల లోపే గట్టి ఆహారం తీసుకోవాలి. ఆ తర్వాత తీసుకునే వన్నీ తేలికగా జీర్ణమయ్యేవిగా ఉండాలి. రాత్రి భోజనం వీలైనంత తక్కువగా ఉండాలి.

* ఆహారంలో ఆకుకూరల వంటి పీచు పదార్థాలు మెండుగా ఉన్నవి తినడానికి వీలుకా నప్పుడు తొక్కతో సహా తినగలిగిన పండును తప్పని సరిగా చేర్చాలి.

ఐదు రకాల పండ్లు, కూరగాయలతో మీ గుండె గుడ్ న్యూస్ చెప్పండి!

* రోజూ ఐదు రకాల పండ్లు, కూరగాయలు తినండి.

* డైనింగ్ టేబుల్‌పై ఉప్పు డబ్బా లేకుండా చూసుకోండి. తినే సమయంలో అదనంగా ఉప్పు వేసుకునే అలవాటుకు స్వస్తి చెప్పండి. రోజులో ఒకటిన్నర స్పూన్(2400ఎం.జి) ఉప్పు మాత్రమే తీసుకోండి.

* ఆల్కహాల్ తీసుకునే అలవాటు ఉంటే రెండు పెగ్గుల కంటే ఎక్కువగా తీసుకోకండి.

* నడక గుండెకు మంచిది. రోజూ అరగంటపాటు నడవడం అలవాటు చేసుకోండి.

* గుండె ఆరోగ్యంగా ఉండాలంటే మెట్లు ఎక్కండి. మీరు పైకి ఎక్కితే మీ రక్తపోటు తగ్గుతుంది.

* పొగతాగే అలవాటు ఉంటే ఈ రోజే మానేయండి. రక్తనాళాలలో బ్లాక్స్ ఏర్పడే అవకాశాలను స్మోకింగ్ మరింత పెంచుతుంది.

* కొవ్వు పదార్థాలు తక్కువగా ఉండే ఆహారాన్ని తీసుకోండి.

* లిపిడ్ ప్రొఫైల్, బ్లడ్ షుగర్, బి.పి పరీక్షలను తరచుగా చెక్ చేయించుకోండి.

* బరువును నియంత్రణలో ఉంచుకోండి. ఎత్తుకు తగిన బరువు ఉండేలా చూసుకోండి.

* ఏడాదికొకసారి కంప్లీట్ హెల్త్ చెకప్ చేయించుకోండి.

* డయాబెటిస్ ఉంటే కనుక నియంత్రణలో ఉంచుకోండి. వ్యాయామం చేయడం మరవకండి. షుగర్ ఉన్న వారికి (ముఖ్యంగా మహిళలు) గుండె జబ్బులు వచ్చే అవకాశం ఎక్కువ అని గుర్తుపెట్టుకోండి.

ఆరోగ్యంగా ఉండటానికి కొన్ని చిట్కాలు

మీరు చిగుళ్ల నొప్పి, నిద్రలేమి, మానసిక రుగ్మతలతో బాధపడుతున్నారా.. అయితే ఈ చిట్కాలు పాటించండి.

* చిగుళ్లు, పళ్లకు సంబంధించిన అనారోగ్యం ఉంటే నువ్వులనూనెలో లవంగ నూనె కలిపి వేలితో చిగుళ్ల మీద రుద్దాలి. ప్రతిరోజూ ఉదయాన్నే ఇలా మర్దన చేస్తుంటే చిగుళ్లు గట్టిపడతాయి.

* నిద్రలేమితో బాధపడుతుంటే పడుకోబోయే ముందు పదిహేను నిమిషాల సేపుపాదాలను, అరిపాదాలను నెయ్యి లేదా ఆముదంతో మర్దన చేయాలి.

* మానసిక రుగ్మత ఉన్న వాళ్లకు నువ్వుల నూనెతో కాని నెయ్యితో కాని తలకు నుదుటి మీద మర్దన చేయాలి. రాత్రి పూట మర్దన చేసి ఉదయాన్నే తలస్నానం చేయాలి.

* నాలుగైదు బాదం పప్పులను రాత్రంతా నీటిలో నానబెట్టి ఉదయాన్నే తింటే మెదడు వికాసం పొందుతుంది.

* డయేరియా ఉన్నప్పుడు మజ్జిగ, పండ్ల రసం, కొబ్బరినీళ్లు, మంచినీళ్లు ఎక్కువగా తాగాలి. కూల్‌డ్రింకులు మాత్రం తీసుకోకూడదు

భోజనం చేసిన తర్వాత మొక్కజొన్న తింటే...

* కడుపు నిండా భోజనం చేసిన తర్వాత మొక్కజొన్న గింజలు, చిక్కుళ్లు, పప్పులు తీసుకోవడం మంచిది కాదు. ఆకలిగా వున్నప్పుడు తీసుకోవచ్చు. లేత గింజల్లో పోషకవిలువలు ఎక్కువగా వుంటుంది. వందగ్రాముల మొక్క జొన్నల్లో 365 కిలో కెలోరీల శక్తి ఉంటుంది.

* మొక్కజొన్నల్లో గ్లూటిన్, సెల్యూలోజ్, పీచుపదార్థాలు ఉంటాయి. అవి పేగుల్లోని వ్యర్థాలను బయటకు పంపి.. మలబద్ధకాన్ని దూరం చేస్తాయి. చక్కెర వ్యాధితో బాధపడేవారు, బరువు తగ్గాలనుకొనేవారు. ఈ గింజలను రోజువారీ ఆహారంలో చేర్చుకోవచ్చు. ఇవి క్యాన్సర్ కణాల వృద్ధికి అడ్డుపడతాయి. గుండె పని తీరు సక్రమంగా ఉంటుంది.

* గింజల్లో కొవ్వు పదార్థాలు అంటే వెన్న, నూనె, క్రీమ్ వంటివి వేయకుండా తింటే త్వరగా అరుగుతాయి. వీటిలో ఉండే నూనెలు చర్మ సంబంధిత సమస్యలను దూరం చేస్తాయి. అలానే పొత్తుల చివరన ఉండే పీచు ఆరోగ్యానికి ఎంతో మంచిది. ఈ నల్లటి పీచును ఉడికించి ఆ నీళ్లను వడకట్టి తీసుకుంటే మూత్రాశయానికి సంబంధించి ఏ ఇబ్బందులూ ఉండవు. వీటిని ఇతర ఏ పదార్థాల్లోనూ కలిపి తీసుకోకూడదు. తీసుకున్న వెంటనే గోరువెచ్చటి నీళ్లు తాగడం తప్పనిసరి.

* అరుగుదల సరిగా లేనివారు... పాత బియ్యం, పెసలు, పేలాలు, చేపలు, బాగా ఉడికిన మాంసం, లేత ముల్లంగి, వెల్లుల్లి, పచ్చి అరటి, అనప, బీర, పొట్ల, వంకాయ, బీన్స్, క్యారెట్, దానిమ్మ, నారింజ, ఆవు పాలతో చేసిన మజ్జిగ వంటివి తీసుకోవాలి.

రక్తపోటు నియంత్రణకు... ఇలాంటి ఆహారం తీసుకోండి.

ఈ ఆహార నియమాల ద్వారా ఒక వ్యక్తికి 2,000 క్యాలరీలు సమకూరి 14రోజుల్లో బీపీ నియంత్రణలోకి వస్తుంది.

గింజధాన్యాలు:
గోధుమ పిండితో తయారుచేసిన 7 బ్రెడ్ స్లైసులు లేదా 3 కప్పుల అన్నం లేదా ఉడికించిన ఇతర గింజ ధాన్యాలు లేదా ఓట్‌మీల్, ఆరు పుల్కాలు (సాధారణ సైజువి) లేదా 3 కప్పుల పాస్తా లేదా మొక్కజొన్న ప్రతిరోజు తీసుకున్నట్లైతే రక్తపోటుని అదుపులో పెట్టవచ్చు.

కూరగాయలు:
ఒక కప్పు టొమాటో ముక్కలు, ఒక కప్పు ఉడికించిన బంగాళదుంపలు, ఒక కప్పు ఉడికించిన క్యారెట్లు, తక్కువ నూనెతో వండిన కూరలు, కూరగాయలతో చేసిన రెండు కప్పుల జ్యూస్. ఇలా 4-5 రకాల కూరగాయలు రోజూ భోజనంలో ఉండాలి.

పండ్లు:
పండ్లు కూడా రోజులో 4-5 రకాలు తీసుకోవాలి. 300 మి.లీ పండ్ల రసం, 1-2 అరటి పండ్లు, అన్నిరకాల పండ్ల ముక్కలు కలిపి తయారు చేసిన 2 కప్పుల సలాడ్, (బత్తాయి, పైనాపిల్, పుచ్చకాయ, బొప్పాయి).

వెన్నశాతం తక్కువగా ఉండే పాల ఉత్పత్తులు:
పావు లీటర్ పాలు, పావు లీటరు పెరుగు, 50గ్రా. చీజ్ లేదా పనీర్ వంటి ఉత్పత్తులను తీసుకోవాలి.

మాంసం:
కొవ్వులేని 150గ్రా. ఉడికించిన మాంసం; చేపలు

నట్స్:
రోజుకు బాదంపప్పు 15, పొద్దు తిరుగుడు గింజలు 15 తీసుకోవాలి.

తృణధాన్యాలు:
రోజుకు 150గ్రా.లు. రాజ్మా, శనగలు, పెసలు, కొవ్వు, నూనెలు: రోజుకు 20 గ్రా.లు.

పండ్లతో మీ గుండెను పదిలంగా ఉంచుకోండి.

సాధారణంగా 40 వయస్సు దాటిన వారికి ఎక్కువగా గుండెకు సంబంధించిన జబ్బులు రావడం సహజం. కావున 40 నుంచి 50 వయస్సు వరకూ సంవత్సరానికి ఒక సారి ప్రొఫైల్ రక్తపరీక్ష చేయించుకోవాలి. 50 దాటిన వారు సంవత్సరానికి రెండు సార్లు ఈ పరీక్షను చేసుకొని వైద్యులు సలహా తీసుకుంటే మీ గుండె క్షేమంగా ఉంటుంది. పరీక్షల సంగతి పక్కన పెడితే, కొన్ని ఆహార నియమాలు పాటించడం ద్వారా గుండె జబ్బులకు దూరంగా ఉండవచ్చు.

* గుండె ఆరోగ్యానికి యాపిల్ చాలా మంచిది. అందులో ఉండే ఫైబర్ చెడు కొలెస్ట్రాల్‌ను గణనీయంగా తగ్గిస్తుంది. ఒక కప్పు యాపిల్ ముక్కల్లో 3.7 గ్రాముల ఫైబర్ ఉంటుంది.

* నారింజపండ్ల రసంలో బి9 విటమిన్ ఉంటుంది. ఇది గుండెజబ్బులకు దారితీసే హోమోసిస్టైన్ను తగ్గిస్తుంది.

* పచ్చిబఠానీల్లో బి2, బి6 విటమిన్లు పుష్కలంగా ఉన్నాయి. ఈ విటమిన్లు రక్తనాళాలను పదిలంగా కాపాడుతాయి. రక్తనాళాలు దెబ్బతినడం వల్ల గుండెజబ్బులు వచ్చిపడతాయి.

* ద్రాక్షపండ్లు గుండెజబ్బులను దూరంగా ఉంచుతాయి. ద్రాక్ష వల్ల కొలెస్ట్రాల్ అదుపులో ఉంటుంది. ఫ్లావాన్స్, ఆంతోసైనిన్ వంటి ఎన్నో మంచి లక్షణాలు ద్రాక్షపండ్లలో ఉన్నాయి. ద్రాక్షను గోరువెచ్చని నీళ్లలో లేదా ఉప్పు నీటిలో కడిగి తీసుకోవడం వల్ల రసాయనాల ప్రభావం మనపై పడకుండా ఉంటుంది.

* వేరుశనగపప్పులు గుండెకు ఎంతో మేలు చేస్తాయట. రోజూ కాసిని వేరుశనగ పప్పులు, బాదంపప్పు, వాల్‌నట్స్ తీసుకుంటే గుండె నిక్షేపంగా ఉంటుందంటున్నారు నిపుణులు.

* వీటితో పాటు బీన్స్ కూర తరచుగా తినడం వల్ల కూడా మీ గుండె ఆరోగ్యంగా ఉంటుంది.

ఆరోగ్యం కోసం సలాడ్లు ఉడికించిన కాయగూరలు తీసుకోండి..

శరీరంలోని వ్యర్థాలను వదిలించుకోవాలనుకుంటే ముందు చేయాల్సినది నీటిని సమృద్ధిగా తాగాలి. పీచు అధికంగా ఉండే పదార్థాలు తినాలి. వీటితో పాటు సి విటమిన్ ఉండే ఆహారానికి ఎక్కువ ప్రాధాన్యం ఇవ్వాలి. నిమ్మజాతి పండ్లలోనూ, అరటి, జామ వంటి వాటిల్లోనూ సి విటమిన్ అధికంగా ఉంటుంది.

* వంటల్లో నూనె వాడకాన్ని తగ్గించి.. రోజులో రెండు లీటర్ల నీటిని తాగినా చక్కని ఫలితం ఉంటుంది. ఈ దిశగా మొదటి ప్రయత్నం మొదలయినట్టే.

* పదార్థాలు ఆకట్టుకొనేలా చేయడానికి వాటిల్లో ఉపయోగించే రంగులు, సువాసన కారకాలు.. మనలో వ్యర్థాలు చేరేటట్లు చేస్తాయి. సహజ రంగులని వాడుకొంటూ వీటికి తప్పనిసరిగా దూరంగా ఉండాలి. మొలకలని నేరుగా, దంపుడు బియ్యం, మొక్క జొన్న, బార్లీలు వంటి వాటిని గంజి రూపంలో తీసుకొంటే శరీరం తేలిగ్గా ఉంటుంది.

* ఉడికించిన కూరగాయ ముక్కలని, చిక్కుడు జాతి రకాలయిన బీన్స్‌తో పాటు పెసలు, సెనగలు, రాజ్మా వల్ల వ్యర్ధాలు తొలగుతాయి. తాజా కాయగూరలు, బొప్పాయి, అంజీర, జామ వంటి వాటిని తినడం వల్ల మంచి ఫలితం లభిస్తుంది.

* ఉప్పు వేయని పిస్తా, వేరుసెనగ, బాదం, జీడిపప్పు, వాల్‌నట్, గుమ్మడి గింజలను తగు మోతాదులో తినడం వల్ల మంచి ఫలితాలుంటాయి.

* ఇంట్లో చేసిన పెరుగు, ఆలివ్‌నూనె, అల్లం వెల్లుల్లి, వెన్న వేయని పాప్‌కార్న్, తేనె.. హెర్బల్ టీ తాగాలి.

* నిల్వ పచ్చళ్లు, చాక్లెట్లు, కేకులు బిస్కెట్లు బాగా తగ్గించుకోవాలి.

* బరువు తగ్గాలనుకొనేవారు.. కచ్చితమైన ఆహార నియమాలు పాటించాలి, నిత్యం కొవ్వు పదార్థాలు, పాల ఉత్పత్తులు, మాంసం, శుద్ధి చేసిన పదార్థాలు అతిగా తినేవారు తప్పనిసరిగా డిటాక్సిఫికేషన్‌ని తప్పక దృష్టి పాటించాలి. 

గ్రీన్, జింజర్ టీతో కీళ్లవాపు నొప్పులను తగ్గించవచ్చట!

* మామిడి, స్ట్రాబెర్రీ, పుచ్చ, తర్బూజ, బత్తాయి వంటి పుల్లటి పండ్లు, అరటి, ఆయా కాలాల్లో లభించే అన్నిరకాల పండ్లు, 'ఎ' విటమిన్ ఉండే ఆకుకూరలు, క్యారట్, క్యాబేజ్, బ్రోకలి వంటివి ఆరోగ్యానికి ఎంతో మేలు చేస్తుంది.

* రోజుకు రెండు కప్పుల గ్రీన్ టీ, జింజర్ టీ, మొలకలు, నువ్వులు, వీట్ గ్రాస్, ముడిబియ్యం, శనగలు, రాజ్మా వంటి పొట్టుతీయని ధాన్యాలు కూడా తింటే కీళ్లవాపు నొప్పులు తగ్గించవచ్చు.

* రోజుకు గుప్పెడు బాదం, వాల్‌నట్, సన్‌ఫ్లవర్ గింజలు, గుమ్మడి గింజలు (అన్నీ కలిపి), టీ స్ఫూన్ పసుపు, ఐదు గ్రాముల అల్లం తీసుకోండి.

* గోధుమలు, బార్లీ, ఓట్స్, మొక్కజొన్న, చక్కెర, తేనే, నూనెలో వేయించి ఉప్పు చల్లిన గింజలు, టీ, కాఫీ, చల్లబరచి నిల్వ చేసిన ఆహారం తీసుకోకూడదు.

* ఏ ఆహారం తిన్నప్పుడు నొప్పులు ఎక్కువవుతోందో మూడు వారాలపాటు గమనించి వాటిని మానేయాలి.

చేప, అవిసెగింజల నూనెతో రక్తపోటుకు చెక్

* రక్తపోటుకు ప్రధానమైన శత్రువు ఒత్తిడి. శారీరక, మానసిక ఒత్తిడులను తగ్గించుకోగలిగితే ఎన్నో జబ్బులను దరిచేరకుండా చూసుకోవచ్చు.

* ఒత్తిడి నుంచి విశ్రాంతి పొందడానికి ధ్యానం, యోగా.. వంటి మార్గాలను అనుసరించాలి. అలాగే మనసుకు ఆహ్లాదం కలిగించే వాతావరణంలో కొద్ది సేపు తిరగాలి.

* నిత్యం చెవులు చిల్లులుపడే రణగొణధ్వనులు, అమితమైన లైట్ల వెలుతురులో ఎక్కువ రోజులు ఉన్నా రక్తపోటు సమస్య వస్తుంది. అందుకని వీటికి కొంతకాలం దూరంగా ఉండే ప్రయత్నం చేయాలి.

* ఒమేగా 3 కొవ్వు ఆమ్లాలు రక్తపోటు తీవ్రతను తగ్గించే గుణాలు అధికంగా ఉన్నాయి. ఇవి చేప నూనెల్లో, అవిసె గింజల ద్వారా తీసిన నూనెల ద్వారా లభిస్తాయి.

* ఆహారంలో మార్పుల ద్వారా రక్తపోటును తగ్గించుకోవచ్చు. ఆహార ప్రణాళికలో ఎక్కువ మొత్తంలో పండ్లు, కూరగాయలు, కొవ్వుశాతం తక్కువగా ఉండే పాల ఉత్పత్తులు తీసుకోవాలి.

నెలసరి సమయంలో కడుపు నొప్పితో బాధపడుతున్నారా....

* మానసిక ఒత్తిడి, ఆందోళనలో ఉన్నవారు జాజినూనెని వాడితే మంచి ఫలితం ఉంటుంది.

* జాజినూనె వాడుక వలన గుండె పని తీరును పెంచుతుంది.

* ఒంటి నొప్పులతో బాధపడేవారు కొబ్బరి నూనెతో కలిపి రాసుకుంటే నొప్పులు తగ్గిపోయాయి.

* బకెట్ నీళ్లలో కొద్దిగా జాజినూనెను కలిపి బాలింతలు స్నానం చేస్తే చక్కగా నిద్రపడుతుంది. మనసుకు హాయిగా ఉంటుంది. ఒత్తిళ్లు తగ్గుతాయి.

* నెలసరి సమయంలో కడుపు నొప్పితో బాధపడేవారు పొత్తి కడుపు మీద రాస్తే మంచిది.

* తల్లో పేలు బాధిస్తుంటే.. కొబ్బరినూనెలో జాజితైలాన్ని కలిపి రాస్తుంటే ఇబ్బంది ఉండదు.

* చెంచా పాలమీగడలో నాలుగు చుక్కలు చేర్చి మర్దన చేస్తే ముఖం మీద మచ్చలు తగ్గుముఖం పడతాయి.

ఆహారంలో ఉప్పు తగ్గిస్తే రక్తపోటుకు చెక్...

* బరువు పెరగకుండా చూసుకోవాలి. ఇందుకు క్రమం తప్పక ఏరోబిక్స్ చేయాలి. ఉదా : నడక. క్రమం తప్పకుండా వ్యాయామం చేయడం వల్ల రక్తప్రసరణ మెరుగుపడుతుంది.

* ఆహారంలో ఉప్పు తగ్గించాలి. దీనికి బదులుగా ఆహారంలో ఎక్కువ మొత్తం పొటాషియం గల పదార్థాలు ఉండేలా చూసుకోవాలి.

* పొగాకు ఉత్పత్తులు, పొగతాగడం, ఆల్కహాల్, సారాయి, మాదకద్రవ్యాలు వంటివి మోతాదు మించి సేవించడం వల్ల రక్తపోటు పెరుగుతుంది.

* రక్తనాళాలు విశాలం అవడానికి విటమిన్ -బికి చెందిన నియాసిస్ ఉపయోగపడుతుంది. దీనికి సంబంధించిన మాత్రలు వాడటానికి వైద్యుల సలహా తప్పనిసరి.

* గోధుమ ఊక, వేరుశనగపప్పు, పొద్దుతిరుగుడు గింజలు, కోడిగుడ్డు, చేపలలో బి - విటమిన్ ఎక్కువ.

ప్రకృతిలో దొరికే తైలంతో కొన్ని వ్యాధులను నయంచేసుకోండి.

* కప్పు నీళ్లలో ఆరుచుక్కల నీలగిరితైలం కలిపి పుక్కిలిస్తే నోటిపూత, ఫంగల్ ఇన్‌ఫెక్షన్లు బాధించవు.

* జ్వరంతో బాధపడేవారికి చల్లటి నీళ్లలో ఆరు నుంచి పది చుక్కల నీలగిరితైలం వేసి శరీరాన్ని శుభ్రపరిస్తే త్వరగా జ్వరం తగ్గుతుంది.

* జలుబు, దగ్గు, సైనస్ వల్ల వచ్చే తలనొప్పితో బాధపడుతున్నట్లైతే చేతిలో నాలుగు చుక్కలు నీలగిరి తైలం వేసి పీల్చితే ఉపశమనం లభిస్తుంది.

* చిన్నపిల్లలకు కఫం పెరిగి గురక పెడుతుంటే ఆరు నుంచి పది చుక్కలు నీళ్లలో వేసి పీల్చేలా చూడాలి.

* ప్లూ జ్వరంతో బాధపడుతున్నవారు నీళ్లలో రెండు మూడు చుక్కలు కలిపి తాగితే మంచిది.

* కండరాల నొప్పి, నరాలు పట్టుకుపోయినప్పుడు కొబ్బరి నూనెలో కొద్దిగా తైలం కలిపి పై పూతగా రాస్తే సమస్యదూరమై హాయిగా ఉంటుంది.

జీర్ణకోశ సమస్య రాకుండా తీసుకోవలసిన జాగ్రత్తలు

తీవ్రమైన కడుపు నొప్పి, బరువు తగ్గడం, ఛాతీలో మంట, మలబద్దకం, మలంలో రక్తం పడడం, పైల్, వాంతులు, వికారం, ట్రావెలర్స్ డయోరియా, చిన్నపిల్లల్లో అజీర్తి, జీర్ణాశయం, పేరు ఇన్‌ఫెక్షన్, పేగులో అల్సర్ ఇలాంటి సమస్యలు వచ్చినప్పుడు వెంటనే డాక్టర్ని కలవడం అవసరం.

జీర్ణకోశ సమస్యలు వచ్చుటకు కారణాలు:

* కొన్ని రకాల మందులు వాడుట వలన ఈ సమస్య ఏర్పడును
* ద్రవపదార్థాలను, పీచు ఉన్న ఆహారాన్ని తీసుకోకపోవడం వల్ల కూడా జీర్ణకోశ సమస్య వచ్చును.
* విరేచనానికి నియమిత సమయాన్ని కేటాయించకపోవడం, తరచుగా ఫ్రీ మోషన్ కోసం మందులు వాడడం వల్ల కూడా ఈ సమస్య తలెత్తును.

జీర్ణకోశ సమస్య నివారణ చేసే విధానం:

* గోధుమలు, ముడి బియ్యం ఎక్కువగా తీసుకోవడం మంచిది.
* రోజుకు కనీసం మూడు లీటర్ల నీటిని, ఇతర ద్రవపదార్థాలను తీసుకోవాలి.
* యోగ, నడక, వ్యాయామం, ధ్యానం, సరైన నిద్రను పాటించాలి.
* మొలకలు, క్యారట్, గ్రీన్ సలాడ్, క్యాప్సికం, కీర, ముల్లంగి వంచి పచ్చి కూరగాయలు, పీచు ఎక్కువగా ఉండే ఆహారాన్ని, ఆకుకూరలు, పండ్లను తీసుకోవడం మంచిది.

బరువు తగ్గాలంటే చేయండిలా.....!

* బరువు తగ్గాలనుకొనేవారు శొంఠిని పిప్పళ్ల చూర్ణంలో సమానంగా కలిపి రోజూ తేసెతో తీసుకోవాలి.

* కఫం, ఎక్కిళ్లు, గొంతునొప్పి ఉన్నవారు గోరువెచ్చని నీళ్లతో శొంఠిపొడిని వేసి తీసుకోవాలి.

* నెలసరి సమస్యలున్నవారికి ఈ పొడిలో చిటికెడు చొప్పున పిప్పళ్లు, ఇంగువ వేసి రెండు మూడు వారాల ముందు నుంచే తినిపించాలి.

* అజీర్ణ సమస్య ఉన్నప్పుడు గోరువెచ్చటి నీళ్లలో చిటికెడు శొంఠిపొడి, సైంధవలవణం వేసి తీసుకోవాలి.

* కొబ్బరి నూనెలో కలిపి పూతలా రాస్తే కీళ్లు, మడమలు నొప్పికి పరిష్కారం లభిస్తుంది.

* బాలింతలకు పొద్దుటే భోజనంలో శొంఠిపొడి, నెయ్యితో కలిపి ఇస్తే ఆకలి పెరిగి.. పాలు పడతాయి.

* అజీర్ణం బాధిస్తున్నప్పుడు మొదటి అన్నం ముద్దను శొంఠిపొడి, నెయ్యితో తింటే ఎంతో మార్పు ఉంటుంది.

రక్తహీనతతో బాధపడుతుంటే ఏం చేయాలి?

దేశంలో అత్యధిక శాతం మంది మహిళలు ఎక్కువగా ఎదుర్కొంటున్న సమస్య రక్తహీనత. రక్తహీనతను తగ్గించుటకు పోషకాహారములు అధికముగా వాడినట్లైతే చాలు.

* స్త్రీలను అలసట బారిన పడేయంతో పాటు అనారోగ్య సమస్యలకీ దారితీసె రక్తహినత నుంచి తప్పించుకోవాలంటే ఇనుము అధికంగా ఉండే ఆహారం తీసుకోవాలి.

* బీన్స్, పచ్చ బఠాణీ, రాజ్‌మా పెసలు, కీరదోస, గుడ్డు, మాంసం వంటి వాటిని ఆహారంలో ఎక్కువగా ఉండేటట్లు చూసుకోవాలి.

* బాదం, పిస్తా, వాల్‌నట్, వేరుసెనగపప్పులను కూడా అధికంగా తీసుకోవాలి.

* ఖర్జూరం, ద్రాక్ష, అంజూర్ వంటి ఎండుఫలాలని తీసుకోవడం వల్ల కూడా రక్తహీనత సమస్యను తగ్గించవచ్చు.

* విటమిన్ సి ఉండే ఆహారాన్ని తినడం వల్ల శరీరం ఆహారం నుంచి ఇనుమును అధికంగా స్వీకరిస్తుంది.

* భోజనము తర్వాత టీ, కాఫీలు తాగకూడదు. తాగినట్లైతే శరీరానికి ఇనుము అందదు.

మాంసాహారం తిని అరగక ఇబ్బందిపడుతున్నారా?

* భోజనం చేసిన తరువాత చిన్న అల్లం ముక్క తింటే కడుపులో వాయువు పెరగకుండా, తీసుకున్న ఆహారం త్వరగా జీర్ణమయ్యేలా చేస్తుంది.

* అరగ్లాసు పాలల్లో అల్లం, పుదీనారసం సమపాళ్లలో కలిపి తాగితే కడుపులో మంట తగ్గుతుంది.

* తీవ్రమైన జ్వరం, డిహైడ్రేషన్ ఉన్నవారికి ఈ రసంలో మెంతికూర, తులసి రసం, తేనె కలిపి ఇస్తే త్వరిత ఉపశమనం లభిస్తుంది.

* మాంసాహారం తిని అరగక ఇబ్బందిపడుతుంటే పాలకు బదులు అందులో కొద్దిగా నిమ్మరసం కలిపి తాగితే సరిపోతుంది.

* చెంచా అల్లం రసంలో పావుచెంచా జీలకర్ర, తేనె వేసి తీసుకున్నట్లైతే తలతిరగడం, పైత్యం, వికారం వల్ల అయ్యే వాంతులు, దురద, కాలేయ సమస్యలు తగ్గుతాయి.

* నెలసరి నొప్పితో బాధపడేవారు పదిరోజుల ముందు నుంచి వేణ్నీళ్లలో అల్లం రసం వేసి తీసుకున్నట్లైతే నొప్పి నుండి ఉపసమనం కలుగుతుంది.

* కొబ్బరి నీటిలో అల్లం రసం కలిపి తీసుకున్నట్లైతే మూత్రవిసర్జన సమయంలో మంట సమస్య తగ్గుతుంది.

* గొంతు ఇన్‌ఫెక్షన్, నోటిపూత ఉన్నవారు బియ్యం కడిగిన నీళ్లలో అల్లం రసం, తేనె కలిపి తాగాలి.

టీ తాగితే వయస్సు తగ్గుతుందట.....!

* ప్రతీ రోజూ టీని తాగితే 108 సంవత్సరాలు జీవించవచ్చని చైనీయులు నమ్ముతారు.

* మూడు కప్పుల టీ తాగితే ఆరు యాపిల్ పండ్లను తిన్నదానితో సమానం.

* ఒక టీ కప్పులోని యాంటీ ఆక్సిడెంట్స్ ఒక కప్పు పండ్ల రసం కంటే అధికం.

* ఒత్తిడి, డయాబెటిస్, క్యాన్సర్, దంతక్షయం మొదలగు ఎన్నో రోగాల నుంచి టీ రక్షించగలదు.

* టీ తాగితే వయస్సును కూడా తగ్గిస్తుంది. శరీరం ముడతలు పడకుండా కాపాడుతుంది.

* టీలోని 500 రసాయనాలు బరువును కూడా తగ్గిస్తాయి.

* టీలో పాలు వేసుకొని తాగడం వల్ల శరీరానికి విటమిన్స్, మెగ్నీషియం, పొటాషియం వంటి ఖనిజాలు పొంది ఎముకలు దృఢంగా తయారవుతాయి.

* మెదడు చురుగ్గా పనిచేస్తుంది.

సులువైన ఆహారనియమాలతో డయాబెటిస్‌ని దూరం చేసుకోండిలా...

మన దేశంలో ప్రస్తుతం డయాబెటిస్ రోగుల సంఖ్య చాలా ఎక్కువ. కాస్త వయస్సుపైబడితే స్త్రీ, పురుషులు ఇద్దరిలో ఎక్కువగా ఈ వ్యాధి కనిపిస్తుంది. కాబట్టి ఈ క్రింది జాగ్రత్తలు తీసుకున్నట్లైతే, డయాబెటిస్ మన దరికి చేరకుండా ఆరోగ్యాన్ని క్షేమంగా కాపాడుకోవచ్చు.

* మొలకెత్తిన గింజలు తింటే శరీరములోని అన్నిరకాల వ్యాదులకు మంచి ఫలితాన్ని ఇస్తుంది.

* ఆహారంలో పొట్టుతో ఉన్న రాగులు, జొన్నలు, సజ్జలు వంటి తృణధాన్యాలు తీసుకోవాలి.

* పళ్లు ఏమైన కొరికి, నమిలి తినాలి. అయితే పళ్లరసాలు మాత్రం తాగకూడదు.

* పళ్లు తన్నేటప్పుడు ఎక్కువ తీపి కలిగన పండ్లు తినకూడదు. ముఖ్యంగా ఖర్జూరం, అరటి పండు, మామిడి వంటి పండ్లు తీసుకోకూడదు.

* తీపి పరిమితంగా ఉండే బొప్పాయి, పుచ్చకాయ వంటి పండ్లు ఎక్కువగా తినవచ్చు.

* తగినంత శారీరక శ్రమ చేసేలా జాగ్రత్త తీసుకోవాలి.

* ఆహారం మితంగా తగినంత మాత్రమే తీసుకోవాలి.

రోజుకో వెల్లుల్లి రెబ్బతో కొలెస్ట్రాల్ తగ్గించి హార్ట్‌ని ఆరోగ్యంగా ఉంచుకోండిలా...!!

ఆరోగ్య సూత్రాలు చెప్పినంత సులభంగా పాటించటం చాలా కష్టం. కాని గుండెకు సంబంధించినంత వరకు కొన్ని జాగ్రత్తలను కాస్త తేలిగ్గానే ఆచరించవచ్చు. ఆ జాగ్రత్తలు తీసుకున్నట్లైతే గుండెను పదిలంగా కాపాడుకోడానికి ఉపయోగపడుతుంది.

* రోజూ ఒక వెల్లుల్లి రెబ్బ తీసుకున్నట్లైతే కొలెస్ట్రాల్ తగ్గుతుంది.
* హడావుడిగా తినకుండా నిదానంగా తినేది అలవాటు చేసుకోండి.
* వారంలో ఒక్కసారైనా చేపలు తినండి. చేపల్లో ఉండే ఒమెగా ఫ్యాటీ యాసిడ్స్ గుండెకు మేలు చేస్తాయి.
* పొగతాగడం పూర్తిగా మానేయాలి. పొగాకు ఏ విధంగా వాడినా అది గుండెకు చేటని గుర్తుపెట్టుకోండి.
* ఎప్పుడూ నవ్వుతూ ఉండండి. దాని వల్ల గుండెజబ్బులు తగ్గుతాయి.
* వీలైతే మధ్యాహ్నం పూట నిద్రపోవడం మంచిది.
* రాత్రి భోజనం మితంగా ఉండేలా జాగ్రత్త తీసుకోండి.
* డైటింగ్ చేయకుండా, అందుకు బదులుగా ఎక్కువసార్లు తక్కువ మోతాదుల్లో తినండి.
* మానసిక ఒత్తిడి తగ్గేందుకు జంతువులను పెంచుకోండి. వాటితో కాలం గడుపునప్పుడు మానసిక ఒత్తిడి తగ్గి గుండెపై ఒత్తిడి కూడా తగ్గుతుంది.
* ఫ్రిజ్‌లో నిల్వ ఉంచే ఆకుకూరలు, కూరగాయల వాడకూడదు. ఫ్రిజ్‌లో పెట్టిన వాటిల్లో 50 నుంచి 60 శాతం పోషకాలు నశించిపోతాయి.
* మీరు ఇష్టపడే ఆహారపదార్థాలను దేన్నీ పూర్తిగా మానేయాల్సిన అవసరం లేదు. కొంత సమయం తీసుకుంటూఅదేపనిగా తినకుండా అప్పుడప్పుడూ తినడం మంచిది.

తలనొప్పి, అసహనం రుగ్మతలు పీడిస్తున్నాయా..?! 7 గంటలు నిద్రపోండి

* నీటిని ఎంత ఎక్కువగా తాగితే మన శరీరానికి అంత మంచిది, దీనివల్ల జీర్ణక్రియ సక్రమంగా జరిగి శరీరంలోని మలినాలు బయటకు వెళ్లిపోతాయి.
* కొంత వేడి నీటిలో 1 కప్పు నువ్వులను దాదాపు రెండు గంటలు నానబెట్టిన తరువాత వాటిని మెత్తగా నూరి, ఆ మిశ్రమాన్ని ఒక కప్పు పాలతో కలిపి, అందులో కొంచెం బెల్లం వేసి రోజూ తీసుకుంటే అజీర్తి తొలగి పోయి మంచి జీర్ణశక్తి మీ సొంతమవుతుంది.
* నువ్వులను ఎరుపురంగు వచ్చేవరకు వేయించి, పొడి చేసుకోవాలి, ఈ పొడిలో కొంచెం నెయ్యి వేసి రోజూ మూడు పూటలా పాలతో పాటు తీసుకోవాలి, ఇలా పదిరోజులు చేస్తే మలబద్దకం పరారవుతుంది.
* ఫాస్ట్ ఫుడ్‌ను దూరంగా పెట్టి పోషక విలువలు ఎక్కువ ఉండే ఆకుకూరలు, కాయగూరలను సమృద్ధిగా తింటే మంచి ఆరోగ్యాన్ని పొందవచ్చు.
* దగ్గు, జలుబు లాంటి ప్రతి చిన్న సమస్యకు అల్లోపతి మందుల వాడకాన్ని తగ్గించండి. ఆయుర్వేదంలో పేర్కొన్న ప్రకృతి వరప్రసాదాలు శొంఠి, మిరియాలు లాంటి వాటితో కషాయము చేసి తీసుకుంటే మంచిది.
* కనీసం 6 లేక 7 గంటలవరకు నిద్రపోవాలి, నిద్ర మనకు చాలా ముఖ్యం. నిద్రలేమి అనేది తలనొప్పి, అసహనం, ఏ విషయంపైనా సరయిన ఏకాగ్రత లేకుండా చేయడం లాంటి సమస్యలకు కారణమవుతుందని గుర్తుంచుకోండి.

శీతాకాలంలో సమస్యలు - నిరోధించేందుకు చిట్కాలు

చలికాలం వచ్చేసింది. మొన్నటివరకూ అకాల వర్షాలు ముంచెత్తాయి.. వాతావరణంలో మార్పుల వల్ల దగ్గు, జలుబు, జ్వరం లాంటి అనారోగ్యాలు సంభవించే అవకాశాలు ఎక్కువవుతాయి. వీటి బారిన పడకుండ ఉండటానికి తీసుకోవలసిన చర్యలు..పాటించాల్సిన ఆహారపు అలవాట్ల గురించి తెలుసుకుందాం.

సరిపడినంత నీరు తాగండి...
చలికాలంలో దాహంగా ఉండదనే కారణంతో మనలో చాలామంది నీరు తాగటాన్ని తగ్గించేస్తాము. కాని అలా చేయకూడదని వైద్యులు సూచిస్తున్నారు. మామూలుగా నీటిని మనం ఎలా తాగుతామో అలాగే ఈ కాలంలో కూడా శరీరానికి సరిపడినంత నీటిని తీసుకోవాలి. ఎందుకంటే శరీరంలో నీటి శాతం తగ్గితే జీర్ణక్రియ మందగిస్తుంది. మనకు సంభవించే పలు రోగాలకు ప్రధాన కారణం జీర్ణక్రియ సరిగా లేకపోవడమే అని తెలుసుకోండి. దీన్ని గుర్తుంచుకుని రోజుకు కనీసం రెండు లీటర్ల నీటిని తాగండి.

వాతావరణ కాలుష్యం వల్ల ఈ కాలంలో అంటువ్యాధులు ఎక్కువగా వ్యాపిస్తాయి. ఇంకా చెప్పాలంటే దోమల సమస్య కూడా ఎక్కువగానే ఉంటుంది. కాబట్టి సాధ్యమైనంత వరకు ఇంటి చుట్టు ప్రక్కల పరిసరాలలో నీరు నిలువకుండా చూడాలి. ఇన్ఫెక్షన్ కలుగకుండా చేతులను తరచూ శుభ్రం చేసుకుంటూ ఉండాలి.

మామూలుగా ఎక్కువమందికి ఈ కాలంలో యాంటీబయాటిక్ ఇంజెక్షన్‌లు చేయించుకునే అలవాటు ఉంటుంది. కాని ఇది మరీ అంత మంచిపద్ధతి కాదని వైద్యనిపుణులు చెబుతున్నారు. వీటికి బదులుగా మన శరీరంలో స్వతహాగా వ్యాధి నిరోధకశక్తిని పెంచుకునే ప్రయత్నం చేయమని వారు సూచిస్తున్నారు. ఈ కాలంలో వృద్ధి చెందే బ్యాక్టీరియాల కారణంగా మన శరీరంలోని హ్యుమిడిటీ పెరిగి శరీర ఉష్ణోగ్రత పెరగవచ్చు లేదా తగ్గవచ్చు వీటి వల్ల కామెర్లు, మలేరియా, టైఫాయిడ్, అతిసారం, దగ్గు, జలుబు, జ్వరం, ప్లూ వంటి అంటువ్యాధులు వ్యాపించే అవకాశాలు ఎక్కువగానే ఉంటాయి..

ఇలాంటి అంటువ్యాధుల నుండి మనల్ని మనం సంరక్షించుకోవడానకి పీచుపదార్థం ఎక్కువ ఉండే బార్లీ, గోధుమ, బియ్యం, ఉసిరి లాంటి వాటిని అధికంగా తీసుకోవడం వల్ల ఆహారం త్వరగా జీర్ణమవడమే కాకుండా శరీరంలోని జీర్ణశక్తి కూడా పెరుగుతుంది. ఆయుర్వేద వరప్రసాదాలైన అశ్వగంధ, కేసరి వంటివి శరీరంలోని వ్యాధినిరోధక శక్తిని పెంచి శరీరంపై ఒత్తిడులను తగ్గిస్తాయి. తాజా పండ్లు, పచ్చటి కూరగాయలు, ఇనుము ఉన్న ఆకు కూరలను ఎక్కువగా తినడం ఆరోగ్యానికి చాలా శ్రేయస్కరం.

తేనెతో కాలిన గాయాలకు చెక్ పెట్టండి...!

* కిందపడినప్పుడు దెబ్బ తగిలి రక్తం వస్తుంటే దాన్ని ఏదైన సుభ్రమైన వస్త్రంతో అదిమి నట్టు పట్టుకోవాలి. కొద్దిసేపటి తర్వాత క్రీమ్‌ని రాసి గట్టిగా కట్టు కట్టాలి.

* కాలిన చోట తేనెతో పూతలా వేస్తే మంట, నొప్పి నుంచి త్వరగా ఉపశమనం పొందవచ్చు.

* గాయాలు తగిలినప్పుడు, ఒక గిన్నెలో వెనిగర్‌ను, నీళ్లను సమంగా తీసుకొని, దూదితో గాయం తగిలిన ప్రాంతంపైన తుడిస్తే సెప్టిక్ అవ్వకుండా ఉంటుంది.

* చర్మం లోపలి వరకూ వెళ్లి సూక్ష్మక్రిములతో పోరాడే గుణం తేనెకి మాత్రమే కలదు. కావున తేనెని గాయము తగిలిన వెంటనే వాడాలి.

* రెండుమూడు టీబ్యాగుల్లోని మిశ్రమాన్ని కప్పులో తీసుకొని దాన్ని నిండా నీళ్లు పోసి మరిగించాలి. అందులో కొద్దిగా పుదీనా ఆకులు కూడా వేసి డికాక్షన్ తయారుచేసి చల్లారాక దూదిన ముంచి గాయాలు లేదా పుండ్ల మీద తుడవాలి.

శిరోవేదన సమసిపోవాలంటే....

మైగ్రేన్ తలనొప్పి బాధపడేవారు కేవలం వైద్యుల సలహాలతోపాటు కొన్ని జాగ్రత్తలు కూడా పాటించాలి. అప్పుడే సమస్య నియంత్రణలో ఉంటుంది.

* వైద్యుల సలహా మేరకూ మందులు వాడటం... నొప్పి భాధించనప్పుడు కూడా ఆహార, ఇతర నియమాలు పాటించడం మేలు. అలానే కొందరు ఈ సమస్యను దూరం చేసుకోవాలనే ఉద్దేశంతో ఇంట్లోనే సొంత ప్రయోగాలు చేస్తుంటారు. అలాంటి వారు వైద్య నిపుణుల సలహా పాట్టించడం మేలు.

* వాతవరణంలో మార్పులు చోటు చేసుకున్నప్పుడు ఈ సమస్య మరింత రెట్టింపవుతుంది. అలాంటప్పుడు బయటకు రాకుండా వుండటం... చెవ్వుల్లోకి చల్లని గాలి పోకుండా దూది పెట్టుకోవడం అలవాటు చేసుకోవాలి.

* ఆ సమయంలో బాగా నిద్రపోవడం వల్ల ఉపశమనం లభించే అవకాశం ఉంటుంది. ఉదయం నడకతోపాటు యోగా, వ్యాయామం కూడా చేయమన్నది నిపుణుల సలహా.

* ఆహార నియమాల పట్ల శ్రద్ధ పెట్టాలి. ఉపవాసాలకూ దూరంగా ఉండాలి. అలానే ఒక్కపూట భోజనం కాకుండా కడుపు నిండా తినడం... పోషకాహారానికి ప్రాధాన్యమివ్వడం వంటివి చేయాలి.

* ఘాటైన పరిమళద్రవ్యాలకు దూరంగా ఉండాలి. ఎండలో బయటకు రాకుండా ఉండాలి. ఒకవేళ రావల్సి వస్తే చలువ కళ్లదాలు పెట్టుకోవాలి.

బరువు తగ్గాలంటే ఫ్రూట్స్, సలాడ్స్ తీసుకోండి..!

ఆరోగ్యదాయకంగా బరువు తగ్గాలనుకుంటున్నారా? అయితే రోజంతా వివిధ రకాల ఫ్రూట్స్ సలాడ్స్ ద్వారా తీసుకుంటే మంచి ఫలితం ఉంటుందని ఆరోగ్య నిపుణులు అంటున్నారు. తాజా కూరగాయలు, నట్స్, తృణధాన్యాలు, మాంసం, చేపలు, కోడిగుడ్లు వంటివి తీసుకుంటూ ఉంటే బరువు తగ్గడం చాలా సులభమని డయట్ అండ్ ఎక్సర్‌సైజ్ రూల్స్ ఇన్ ది డస్ట్ అనే పుస్తక రచయిత డియాన్ గ్రీసెల్ తెలిపారు.

అల్పాహారం క్రమం తప్పకుండా తీసుకోవడం, లంచ్, డిన్నర్‌లకు మధ్య ఫ్రూట్ స్నాక్స్ వంటివి తీసుకోవడం మంచి ఫలితమిస్తుంది. సలాడ్లు లేదా తాజా పండ్లను తీసుకోవడం ద్వారా బరువు తగ్గవచ్చునని గ్రీసెల్ చెప్పారు.

గ్లూకోజ్ గల ఆహారాన్ని ప్రతి మూడు లేదా నాలుగు గంటలకు ఒకసారి తీసుకుంటూ ఉండాలి. ఐదు గంటలకు పైగా ఏవీ తీసుకోకుండా కడుపును ఖాళీగా ఉంచడం కూడదు. ఇలా చేస్తే అసిడిటీ వంటి సమస్యలు తలెత్తే అవకాశం ఉంది. ప్రతిరోజూ ఎనిమిది గంటల పాటు నిద్ర అవసరమని ఆరోగ్య నిపుణులు సూచిస్తున్నారు.

ఎసిడిటీని తరిమికొట్టేందుకు చిట్కాలు

ఉద్యోగుల్లో ఎక్కువ మంది ఎదుర్కొనే ఆరోగ్య సమస్య ఎసిడిటీ. ఇది పని ఒత్తిడి వల్ల, వేళకాని వేళలో తినడం వల్ల, ఫాస్ట్‌ఫుడ్ వంటకాలు, మసాలాలు అవీఇవీ అని రుచి కోసం అడ్డమైనవన్నీ వేసి తయారు చేసే వంటలను తినడం వల్ల వచ్చే సమస్య. అంతేకాదు మనం తినే ఆహారంలో ఉప్పు, కారం ఎక్కువగా ఉండటం వల్ల కూడా వస్తుంది.

అంతేనా అంటే ఇంకా వుంది.. చిన్న, చిన్న విషయాలకు కోపం తెచ్చుకుని, వారి కోపమంతా అన్నంపై చూపించి ఆ పూట అన్నం తినరు. అలా అప్పుడప్పుడు తినకపోవడం వల్ల కూడా ఈ గ్యాస్ సమస్యలు వస్తాయి. ఎసిడిటీ సమస్య ఉన్నవారు ఏదీ సరిగా తినలేరు. తిన్నది జీర్ణం కాదు, కడుపులో మంటగా, వికారంగా ఉంటుంది.

కడుపు ఉబ్బరం లాంటి వాటితో బాధపడుతుంటారు. ఈ సమస్యను తొలి దశలోనే గుర్తించి తగిన జాగ్రత్తలు తీసుకోకపోతే ఈ సమస్య ముదిరి అల్సర్‌గా మారే ప్రమాదం ఉంది. కాబట్టి ఎసిడిటి సమస్యలున్నవారు ఈ సూచనలను పాటిస్తే బయటపడవచ్చు.

*టీ స్పూన్ అల్లంరసంలో అర టీ స్పూన్ తేనె, చిటికెడు పసుపు కలిపిన మిశ్రమాన్ని రోజుకు మూడుసార్లు తింటే గ్యాస్ సమస్య తగ్గుతుంది.
* గ్లాస్ గోరువెచ్చని నీటిలో ఒక స్పూన్ నిమ్మరసం, రెండు స్పూన్‌ల తేనె, అల్లం ముక్కలు చిన్నవి కలిపి మిక్స్ చేసిన మిశ్రమాన్ని అజీర్తిగా అనిపించివప్పుడు తాగాలి. మంచి ఫలితాన్ని ఇస్తుంది.
* బేకింగ్ సోడా, మంచినీళ్ళు సమానంగా కలిపి తీసుకుంటే తక్షణమే ఉపశమనం కలుగుతుంది.
* తిన్న తర్వాత ఒక కప్పు అల్లంటీ తాగితే అజీర్తి సమస్య తగ్గుతుంది.
* ఎసిడిటీతో బాధపడుతున్న వారు, అన్నం తిన్న తర్వాత రెండు లవంగాలను నోట్లో వేసుకుని రసం మింగుతుండాలి.

ఎసిడిటీకి కారణాలు
1. ఆహారం తినేప్పుడు నమలకుండా గబగబా మ్రింగడం.
2. మాట్లాడుతూ తినడం.
3. మద్యం, పొగత్రాగటం లాంటివి గ్యాస్‌కి ముఖ్య కారణాలు.
4. ఆహారనాళంలో జీర్ణం కాని పదార్థాన్ని బాక్టీరియా తీసుకుని, గ్యాస్‌‌ని విడుదల చేస్తుంది.
5. ప్రేగుల్లోని కొన్ని బాక్టీరియాలు గ్యాస్‌ను ఎక్కువగా తయారుచేస్తాయి.

గ్యాస్ రాకుండా ఉండాలంటే
* ఆహారాన్ని నిదానంగా బాగా నమిలి తినాలి, తక్కువగా తినాలి.
* పొగత్రాగడం, మద్యం సేవించడం లాంటి అలవాట్లను వెంటనే మానేయాలి.
* కూల్‌డ్రింక్స్ తాగటం, తీపి పదార్థాలను తినడం తగ్గించాలి.
* వేళకు తినాలి.
* రోజుకు కనీసం 10 నుండి 12 గ్లాసుల వరకు నీటిని తాగాలి.

మీ ఆరోగ్యానికి రక్ష.. గులాబీ రేకులు - అటుకుల కొబ్బరి

మనం ప్రతిరోజు తినే ఆహారంలో ఎంతో కొంత హాని కలిగించే పదార్థాలు ఉంటాయి. ఎలా అంటారా... మనం ఏ కూర చేసుకున్నా అందులో ఉప్పు, కారం, నూనె వేయకుండా చేయలేము కదా, కొందరైతే వీటి పరిమాణాన్ని కాస్త ఎక్కువ చేసి వాడుతారు, అలాంటి వాళ్ళకు ఏ జబ్బైనా ఇట్టే వచ్చేస్తుంది. అలాంటి వాళ్ళకోసం ఉప్పు, కారం తక్కువ మోతాదులో వేసి తయారుచేసిన ఆరోగ్యానికి ఔషధంలా పనిచేసే కొన్ని వంటకాలను మనం ఇప్పుడు చూద్దాం.

తీపి గులాబీ రేకులు: గులాబీ రేకులను తీసుకుని నీడలో ఆరబెట్టాలి, బాగా ఆరిన తరువాత వాటిని తేనెలో కాని బెల్లం పాకంలో గాని పదిరోజుల పాటు ఊరనివ్వాలి. తర్వాత తింటే చాలా రుచిగా ఉంటుంది. వీటిని తింటే రక్తహీనతను పోగొట్టి శరీరానికి రక్తం పట్టేలా చేస్తాయి.

వడపప్పు: పెసరపప్పును రెండు గంటలు పాటు నీటిలో నానబెట్టి, ఆ పప్పులో కొద్దిగా పచ్చిమిరపకాయలు, మిరియాలపొడి, శొంఠి పొడిని వేసి అందులో ఒక నిమ్మకాయను పిండితే చాలా రుచిగా ఉంటుంది. ఇది శరీరానికి బలాన్నిస్తుంది.

మూలికా కాఫీ: శొంఠి, తేనె, ధనియాలు, మిరియాలు, యాలకులు, ఇంకా దాల్చిన చెక్కలను సమానమైన పరిమాణంలో తీసుకుని కలపాలి, తర్వాత ఈ మిశ్రమాన్ని ఎండబెట్టి పొడికొట్టాలి. ఈ పొడిని కాఫీ పొడికి బదులుగా వాడాలి. చక్కెరకు బదులు బెల్లం వేసుకోవాలి, ఒక కప్పు కాఫీకి ఒక స్పూను పొడి వెయ్యాలి. ఇది తలనొప్పి, ముక్కుదిబ్బడ లాంటి సమస్యలకు మంచి ఫలితాన్నిస్తుంది. అంతేకాక జీర్ణశక్తిని కూడా పెంచుతుంది.

అటుకుల కొబ్బరి: మనకు కావలసినన్ని అటుకులను బాగా కడిగి నానబెట్టాలి. నానిన తర్వాత నీటిని వంపేసి, వాటిలో తగినంత కొబ్బరి తురుము, బెల్లమును చేర్చాలి, దీన్ని తింటే రుచిగా ఉంటుంది. ఇంకా శరీరానికి బలాన్ని ఇస్తుంది.

వేసవిలో వడదెబ్బ.. చిట్కాలతో నయం

వేసవి వచ్చిందంటే వడదెబ్బ సమస్యతో చాలామంది సతమతమవుతుంటారు. ఈ వడదెబ్బకు చిన్నచిన్న చిట్కాలు పాటిస్తే సమస్య మాయమవుతుంది. అవేంటో ఒకసారి చూద్దాం.

నీరుల్లిపాయల రసాన్ని కణతలకు, గుండెకు రాసినట్లయితే వడదెబ్బ తగ్గుతుంది. పండిన చింతకాయలను నీటిలో పిసికి ఆ రసంలో ఉప్పు కలిపి త్రాగించవలెను.

చల్లటి మంచినీటిలో నిమ్మరసం, ఉప్పు కలిపి మాటిమాటికీ త్రాగిస్తే సమస్య నుంచి బయటపడవచ్చు.

మేకపాలు తీసుకుని వడదెబ్బ తగిలినవారికి అరచేతులకు పాదాలకు మర్దనా చేస్తే ఉపశమనం కలుగుతుంది.

శరీర లావణ్యాన్ని పెంచే పసుపు..!?

పసుపును ఆహార పదార్థాలలో వాడుతుంటాం. ఎన్నో వ్యాధులకు మందుగా కూడా ఉపయోగిస్తాం. అలాంటి పసుపు శరీర లావణ్యాన్ని కూడా పెంచుతుంది.

* ప్రతిరోజూ ఉదయం స్నానం చేయటానికి అరగంట ముందు పసుపు ఒంటికి బాగా పట్టించి తర్వాత స్నానం చేస్తే ఆరోగ్యంతో పాటు శరీర లావణ్యాన్ని కూడా పెంచుతుంది.

* ఎక్కువ సేపు నీటిలో ఉంటే పాదాలు నాని పగుళ్లు, లేక ఒరుసుకుపోవడం లాంటివి జరుగుతుంది. అలాంటపుడు పసుపు రాసుకుంటే యాంటీ సెప్టిక్‌గా పనిచేసి ఉపసమనం కలిగిస్తుంది.

* పసుపు నీటిని వారానికి ఒకసారి తాగడం వలన ఒంట్లోని వేడిని తగ్గిస్తుంది. ఇంకా శరీరంలోని రక్తాన్ని కూడా శుద్ధి చేస్తుంది.

* ఆముదంలో కొంచెం పసుపు కలుపుకొని శరీరానికి పూసుకొని పదినిముషాల తర్వాత సబ్బుతో రుద్దుకొని స్నానం చేయాలి. ఇలా చేస్తే శరీరంపై ఉన్న మచ్చలు, దురద, చర్మవ్యాధులు అన్ని తగ్గిపోతాయి.

* శరీరంమీద ఏర్పడిన దురదతో బాధపడుతుంటే పసుపు, వేపాకుని నూరి ఒంటికి పూస్తే దురద తగ్గిపోతుంది.

వేధించే చుండ్రు సమస్య.. పరిష్కార మార్గాలు

వస కొమ్ములను ఒకరోజు మంచినీటిలో నానబెట్టి తర్వాత ఎండబెట్టి దంచి పొడి చేసుకోవాలి. ఈ పొడిని ఒకచెంచా మోతాదుగా ఒక కప్పు పెరుగులో వేసి బాగా కలిపి ఆ మిశ్రమాన్ని వెంట్రుకల కుదుళ్ళకు తగిలేలా పాయలు పాయలుగా విడదీసి తలంతా రుద్దాలి. ఒక గంట ఆగిన తర్వాత కుంకుడుకాయతోగాని, శీకాయతోగాని తలస్నానం చెయ్యాలి. ఇలా వారానికి రెండుసార్లు చేస్తుంటే క్రమంగా చండ్రుసమస్య పూర్తిగా నివారణ అవుతుంది.

తగినన్ని మెంతులు ఒక గిన్నెలోవేసి,అవి మునిగేవరకూ నిమ్మపండురసం పోసి ఒకరాత్రి లేదా ఒక పగలు నానబెట్టాలి. మెత్తగా నానిన తర్వాత గుజ్జులాగా రుబ్బి దాన్ని తలకు రుద్ది ఒకగంట తర్వాత కుంకుడుకాయలతో స్నానంచెయ్యాలి. ఇలా ఐదురోజులకు ఒకసారి ఆచరిస్తుంటే ఎంతోకాలంగా వేధించే చుండ్రు సమస్య నివారించబడుతుంది.

పేగు క్యాన్సర్ - మధుమేహం - గుండెకు మంచి మందు పుచ్చకాయ

మీరు నమ్మినా నమ్మకపోయినా ఇది నిజం. పుచ్చకాయలో కొన్ని యాంటీ ఆక్సిడెంట్లు నిండి ఉన్నాయి. ఇది పుచ్చకాయలు విరివిగా దొరికే కాలం. మృదువుగా, తీయగా, రసపూరితమైన పుచ్చకాయ ఈ వేసవికి చాలా ఉపయోగకరమైనది. వాటిని తింటే దాహం తీరిపోతుంది. అందులో సందేహం లేదు. కానీ, వాటిలో యాంటీ ఆక్సిడెంట్‌లు పుష్కలంగా ఉన్నాయన్న సంగతి మీకు తెలుసా?.

పుచ్చకాయల ద్వారా సహజ సిద్ధమైన యాంటీ ఆక్సిడెంట్‌లు మీకు లభిస్తాయి. హృదయ సంబంధ వ్యాధులకి, ప్రేగు కేన్సర్‌కి, అలాగే మధుమేహానికి చాలా మంచివని పరిశోధనలు తెలియజేశాయి. వాటిలో ఎ, బి, మరియు సి - విటమిన్లు పుష్కలంగా ఉంటాయి. ఇంకా చెప్పాలంటే తక్కువ కెలోరీలు, ఎక్కువ పోషకాలు ఉంటాయి. పుచ్చకాయ జూస్ తాగేందుకు అనువైన పానీయం. ఎందుకంటే, అందులో 92% నీరు ఉంటుంది, పైగా కొలెస్ట్రాల్ లాంటివి అందులో ఉండవు. అది వెంటనే తన ప్రభావాన్ని చూపిస్తుంది. ఎందుకంటే నీటిని కలిగి ఉండడం వల్ల.

ఎంపిక : సరియైన పుచ్చకాయను ఎంచుకోవాలి. మచ్చలుగానీ, దెబ్బలుగానీ లేని నిగనిగలాడే పుచ్చకాయను ఎంచుకోవాలి. దాన్ని చుట్టూ తిప్పి చూసినప్పుడు ఒక ప్రక్క మీకు పసుపు రంగు కన్పిస్తుంది. అలా పసుపు రంగు కన్పించడం చాలా మంచి సూచన. ఆ రంగు అది సూర్య కిరణాలలో పండిందని తెలియజేస్తుంది. అది తీయగా, రసభరితంగా ఉంటుందనడానికి కూడా అదే సూచన. పుచ్చకాయను తట్టినపుడు బోలుగా ఉన్నట్టు శబ్దం వస్తే అది పండిందని అర్థం.

పుచ్చకాయ పెద్దదిగా ఉంటుందని, రిఫ్రిజిరేటర్‌లో ఎక్కువ చోటుని ఆక్రమించేస్తుందని మీరు ఎప్పుడూ వెనుకాడుతుంటారా?. కానీ, ప్రస్తుతం లెక్కలేనన్ని చిన్న పుచ్చకాయలు మార్కెట్ లో దొరుకుతున్నాయి. కాబట్టి, ఈసారి పండ్ల షాపుకి వెళ్తే పుచ్చకాయ కొనడం మరచిపోకండి.

రాత్రిపూట ఇవి తింటే పక్షవాతం వచ్చే ప్రమాదం

రాత్రిపూట భోజనంలో కొంతమందికి పెరుగు లేదా మజ్జిగ అన్నంలో పచ్చళ్లను తినడం అలవాటుగా ఉంటుంది. అయితే రాత్రివేళ చేసే భోజనంతోపాటు నిమ్మకాయ పచ్చడి, ఉసిరికాయ పచ్చడి తినరాదు. ఎందుకు తినకూడదనే సందేహం తలెత్తుతుంది.

ఎందుంకంటే రాత్రిపూట వాతం అధికముగా ఉంటుంది. నిమ్మకాయ, ఉసిరికాయ పచ్చళ్లు తిన్నవారి తలలోని సూక్ష్మాతి సూక్ష్మనాడులు పగిలిపోవుట వలన పక్షవాత రోగం వచ్చే ప్రమాదం ఉన్నది. కనుక ఈ రెండు పచ్చళ్లను రాత్రిపూట తినకపోవడం మంచిది.

పత్యం శతగుణం ప్రోక్తం అన్నారు కనుక సర్వ వైద్యములకు పథ్యము చేయడం మిక్కిలి శ్రేయస్కరము. అంతేకాదు.. వాత రోగులు ఆనపకాయ, దోసకాయ, పెసరపప్పు, కొత్తచింతకాయ, ఉసిరి పచ్చడి తినరాదు.

మీరు నిద్రలేమితో బాధపడుతున్నారా..!!

వంటింటి పోపు దినుసులను మితంగా వాడుకోవాలి. ఘాటు అధికంగా ఉండే లవంగాలు, యాలకులు, అల్లం, వెల్లుల్లి కలిపి వాడటం తగ్గించాలి. వీటిని విడిగా వాడితే సహజ ఔషధ తత్వాలు ఉంటాయి. కాబట్టి చిన్న చిన్న శరీర, ఆరోగ్య సమస్యలకు ఈ చిట్కాలను వాడండి.

* దాల్చిన చెక్క పొడిచేసి పాలతో తాగితే నిద్రలేమితో బాధపడేవారికి మంచి ఉపశమనం.

* యాలకులని పాలలో వేసి ఐదారు చుక్కల చొప్పున రాత్రిపూట తీసుకొంటే మంచి నిద్రపడుతుంది.

* పావుచెంచా పసుపును శోబిమచ్చలపై రాస్తే అవి క్రమంగా తగ్గిపోతాయి.

* విరేచనాలవుతున్నప్పుడు పాలలో కాస్త పసుపు కలిపి తీసుకుంటే ఫలితం ఉంటుంది.

* మంట, దురద, దద్దర్లు వంటి సమస్యలున్న చోట జీలకర్ర ముద్దను రాస్తే సమస్య తగ్గుముఖం పడుతుంది.

* కీళ్ల నొప్పులు బాధిస్తుంటే అక్కడ ఆవనూనెతో మర్ధన చేస్తే వెంటనే ఉపశమనాన్ని ఇస్తుంది.

* మెంతులని మెత్తగా నూరుకొని శిరోజాలకు పెడితే మృదువుగా మారతాయి.

* సున్నిపిండిలో మెంతుల్ని కలిపి వాడితే చర్మం ప్రకాశవంతాన్ని సంతరించుకుంటుంది.

* దాల్చిన చెక్క ముద్దని పాలలో కలిపి ముఖంపై మచ్చలకు రాస్తే అవి త్వరగా చర్మంలో కలిసిపోతాయి.

* లవంగాలను కాల్చి నమిలితే దగ్గు తగ్గుతుంది.

రక్తదానంతో గుండెను పదిలంగా ఉంచుకోండి..!!

* రోజూ ఆటలాడటం వల్ల క్యాన్సర్, గుండెపోటుకు గుడ్ బై చెప్పినట్టే. వ్యాయామం వల్ల మీలో సంతోషం కలిగించే రసాయనాలు (ఎండార్ఫిన్స్) మిమ్మల్ని ఆరోగ్యకరంగా ఉంచుతాయి.

* నిద్రలేకపోవడం వల్ల రోగనిరోధక శక్తి తగ్గుతుంది. ప్రతిరోజూ కనీసం ఎనిమిది నుంచి తొమ్మిది గంటల సమయం నిద్రపోవాలి.

* వ్యాయామం వల్ల రక్తపోటు, కొలెస్ట్రాల్, మధు మేహం వంటివి తగ్గుతాయి. వ్యాయామం ఒత్తిడిని కూడా తగ్గిస్తుంది.

* మీరు ప్రతి మూడు నుంచి ఆరు నెలలకోసారి రక్తదానం చేస్తే మీ గుండెకు చాలా మంచిదన్న విషయాన్ని మర్చిపోకండి.

* మెట్లెక్కడం, తోటపని వంటివి గుండెకు మంచి చేస్తాయి. ఇంకా ఉతికిన బట్టలు ఆరేయడం, ఆరిన తర్వాత మడతపెట్టడం, ఇల్లు ఊడ్చటం లాంటి ఇంటి పనులు గుండె జబ్బుల రిస్క్‌ని తగ్గిస్తాయి.

* ప్రతిరోజూ కనీసం 30-60 నిమిషాల పాటు వ్యాయామం చేస్తే ఒక పూట భోజనం పూర్తిగా అరిగిపోయేలా చేస్తుంది. అంటే దాంతో కొవ్వులు శరీరంలోకి చేరదు. అలా కొవ్వులు చేరకపోవడం గుండెకు చాలా మంచిది.

* క్రమంగా వ్యాయామం చేయడాన్ని ఒకేసారి ఆపకూడదు. క్రమంగా వ్యాయామం చేయడంలోని తీవ్రతను తగ్గించుకుంటూ రావాలి. దీనివల్ల రక్తపోటు, గుండెకొట్టుకునే ప్రక్రియ ఒక నిర్దిష్ట క్రమంలో ఉంటాయి.

* వ్యాయామం వల్ల రక్తప్రసరణ ప్రక్రియ మెరుగవుతుంది. శరీరంలో కొవ్వులు తగ్గుతాయి. ఎముకలు బలంగా మారుతాయి. ఒత్తిడి తగ్గుతుంది. నిద్రలేమి వంటివీ తగ్గుతాయి. ఆత్మవిశ్వాసం పెరుగుతుంది. అది గుండె ఆరోగ్యానికి పరోక్షంగానూ, ప్రత్యక్షంగానూ మేలు చేస్తుంది.

బంగారు నీటితో ఏనుగులాంటి బలం మీ సొంతం చేసుకోండి..!!

* ప్రతిరోజు నల్లనువ్వులను తిని, చల్లని నీరు త్రాగినట్లైతే శరీరానికి కావాల్సిన బలం అందుతుంది.
* బంగారాన్ని నీటిలో వేసి కాచి, ఆ నీటిని తాగినట్లైతే ఏనుగులాంటి బలం కలుగుతుంది.
* తాజా వెన్నను ప్రతిరోజూ ఉదయం తినాలి.
* నీటిలో ఖర్జూరపండ్లు నానబెట్టి బాగా కలిపి, ఆ నీటిని తాగాలి.
* మర్రిపండులోని గింజలు తినాలి.
* బాగా మగ్గిన అమృతపాణి అరటిపండ్లు తింటే శరీరానికి కావాల్సిన బలాన్ని ఇస్తుంది. దాంతో పాటు ఏ వ్యాధులు రాకుండా ఉంటుంది.
* పాలలో అతిమధురం పొడికలిపి తాగాలి.
* ద్రాక్ష లేక కిస్‌మిస్ రాత్రి నీటిలో నానబెట్టి ఉదయం బాగా కలిపి ఆ నీరు తాగాలి.

తులసీ ఆకులతో హెపటైటిస్, టైఫాయిడ్‌కు చెక్ పెట్టండి!!

* రోజూ ఐదు తులసి ఆకులను నమిలి తింటే హెపటైటిస్, టైఫాయిడ్ వంటి జబ్బులకు దూరంగా ఉండవచ్చు.

* దోమలు, ఇతర కీటకాలు కుట్టినప్పుడు దురద, నొప్పి ఏర్పడు భాగంలో నిమ్మరసం రాస్తే తీవ్రత తగ్గుతుంది.

* చింతాకు, నీరు, ఉప్పు కలిపి కాచి, ఆ నీటితో కాపడం పెడితే కీళ్ల నొప్పుల నుంచి ఉపశమనం లభిస్తుంది.

* దంతక్షయం బాధిస్తుంటే రెండు తులసి ఆకులు, చిటికెడు ఉప్పు, చిటికెడు మిరియాలపొడి కలిపి పేస్ట్ చేసి, ప్రభావితమైన దంతంపై రాస్తే త్వరగా నొప్పి తగ్గిపోతుంది.

* క్యారెట్ జ్యూస్ అర కప్పు, టొమాటో జ్యూస్ అర కప్పు, కొద్దిగా తేనే కలిపి తీసుకుంటే వ్యాధినిరోధక శక్తి పెరుగుతుంది.

ఆపిల్ జ్యూస్‌తో సుఖనిద్ర మీ సొంతం..!!

ఆహారం లేకపోయినా మానవుడు మనుగడ సాధించగలడు. కానీ కనీస నిద్ర లేకపోతే జీవించలేడు. అంతేకాదు మేధస్సు మందగిస్తుంది. అందానికి ఆరోగ్యానికి కూడా హాని కలిగిస్తుంది. కనుక నిద్ర అనేది తప్పని సరిగ్గా ఉండాలి.

* ముఖ్యంగా రోజుకు కనీసం ఆరు గంటల సమయం నిద్ర తప్పని సరిగ్గా ఉండాలి.

* మారేడు కషాయం రెండు - మూడు స్పూన్ల చొప్పున రోజుకు నాలుగు సార్లు తీసుకుంటే మంచినిద్ర వస్తుంది.

* ఆపిల్, జామ, బంగాళదుంప, తోటకూర, క్యారెట్ రసాలను ప్రతిరోజు సాయంత్రం తీసుకుంటే నిద్ర పట్టని వారికి కూడా నిద్ర పడుతుంది.

* నిద్రలేమితో బాధపడేవారు బెడ్ మీద పడుకునే ముందు కొన్ని నిముషాల వరకూ మౌనంగా వుండి, గాఢమైన ఒక శ్వాసను పీల్చి, ఒకటి రెండు సెకండ్ల పాటు బిగపట్టి వదిలేయండి. నెమ్మదిగా ఈ పద్దతిని కొన్నిసార్లు రిపీట్ చేస్తే మనసులో ఒక విధమైన ప్రశాంతత కలిగి క్రమంగా నిద్ర వస్తుంది.

* రాత్రిపూట కడుపు నిండుగా ఆహారం తీసుకున్నట్లైతే నిద్ర బాగా పడుతుంది.

తమలపాకు... జాజికాయల రసంతో దగ్గు మాయం

శ్వాస మార్గంలో ఏవైనా అవాంఛిత పదార్థాలు లోపలికి ప్రవేశిస్తున్నప్పుడు వాటిని బయటికి పంపించేందుకు మన శరీరం చేసే బలమైన ప్రయత్నమే దగ్గు.

వాతావరణ మార్పులవలన, చల్లటి పానీయ సేవన వలన శ్వాస క్రియకు ఆటంకం ఏర్పడి దగ్గు వస్తుంది. దగ్గులో కఫం లేని పొడి దగ్గు, మామూలు కఫంతో కూడిన దగ్గు, రక్త కఫంతో కూడిన దగ్గు అంటూ పలు రకాలుగా ఉన్నాయి.

శరీరాన్ని నానా రకాల ఇబ్బందులకు గురి చేసే ఈ దగ్గు నుంచి విముక్తి పొందాలంటే ముందుగా శీతల పదార్థాలను తీసుకోవడం మానేయాలి. తమలపాకులో మిరియాలు, గుండపోక, వాముపువ్వు, పచ్చకర్పూరం, జాజికాయ వుంచుకుని దవడన పెట్టుకుని నమల కుండా ఆ రసాన్ని మాత్రమే మింగుతూ వస్తే రెండుపూటలకే దగ్గు నుంచి ఉపశమనం పొందవచ్చు.

తరచూ కాళ్లు తిమ్మిర్లు పడుతున్నాయా...? లవంగతో కదురుతుంది...

కొందరు ఎక్కువసేపు అలా కూర్చుంటే కాళ్లు తిమ్మిర్లు వస్తాయి. అంతేకాదు కొన్నిసార్లు చేతులు కూడా తిమ్మిర్లెక్కుతాయి. ఈ తిమ్మిర్ల వల్ల చేతులు, కాళ్లు కదపలేకుండా అవుతారు. బలవంతంగా కదిలించినా తిమ్మిర్లు పట్టిన కాళ్లు, చేతులు కదలవు. ఇలాంటి సమస్యలకు ఆయుర్వేదంలో చిట్కాలు ఉన్నాయి.

లవంగము లేదంటే యాలక్కాయను నోటిలో వేసుకుని ఆ ఊటను మ్రింగుతుంటే తిమ్మిర్లు తగ్గుతాయి. ఇంకా కప్పు నీటిలో ఓ చెంచా తేనెను కలిపి తీసుకున్నా సమస్య నుంచి బయటపడవచ్చు.

ఇంకా స్వర్ణవంగ భస్మము లేదంటే ద్రాక్షాది చూర్ణము తీసుకున్నా ఫలితం కనబడుతుంది.

మంచి గంధాన్ని అరగదీయండి.. చర్మానికి రాసి వేసవి స్నానం చేయండి

వేసవి వచ్చిందంటే అధికంగా చమట పట్టడం... ఫలితంగా చర్మం పేలి ఇబ్బందికి గురిచేస్తుంది. ఈ సమస్యనుంచి బయటపడటానికి ఈ క్రింది చిట్కాలు పాటిస్తే సరి... చర్మం పేలకుండా ఉండటానికి స్నానం చేసిన తర్వాత మంచి గంధాన్ని అరగదీసి చేతులు, వీపు, మెడ, నడుముకు రాసుకోవాలి.

అలాగే స్నానం చేసే ముందు తులసి ఆకులు, తమలపాకులు కలిపి దంచి ఆ మిశ్రమాన్ని ఒళ్ళంతా రుద్దుకొని ఓ గంట తర్వాత స్నానం చేయాలి. ఇలా చేస్తే చమట కాయల సమస్య నుంచి బయటపడవచ్చు.

వేసవిలో ఆకుకూరలు, కాయగూరలు అధికంగా వాడాలి. పండ్లు, మజ్జిగ, కొబ్బరి నీళ్ళు, పండ్లరసాలు మేలు చేస్తాయి. అలాగే ఉదయంవేళల్లో ఇడ్లీ, ఉప్మా వంటి తేలిక పదార్ధాలు తీసుకుంటే మంచిది.

జీలకర్ర మంచిదా, నకిలీదా తెలుసుకోవడానికి..!?

కందిపప్పు ఉదజహరికామ్లం కలిపితే అది ఎరుపు రంగులోకి మారితే కల్తీ కందిపప్పుగా భావించండి. వెన్నలో, నెయ్యిలో కల్తీ కనుగొనేందుకు హైడ్రోక్లోరిక్ ఆమ్లం, పంచదార మిశ్రమాన్ని కలపాలి. ఐదు నిమిషాల తర్వాత నెయ్యి లేదా వెన్నకు ఎరుపు రంగు వస్తే అది కల్తీ అని భావించాలి.

వనస్పతిలో సామాన్యంగా గంజిపొడి, ఉడికిన బంగాళాదుంపను కల్తీ చేస్తుంటారు. దీనికి కొద్దిగా అయోడిన్ కలిపితే అది నీలిరంగు ఏర్పడినట్లయితే అందులో కల్తీ జరిగినట్లుగా గుర్తించాలి. జీలకర్ర మంచిదా, నకిలీదా తెలుసుకోవడానికి కొద్దిగా జీలకర్రను రెండు చేతుల మధ్య నలపండి. చేతికి రంగు అంటితే అది నకిలీదని గమనించండి.

ఆరోగ్యంగా ఉండాలంటే.. అల్పాహారం తీసుకోండి...!?

ఆరోగ్యం కోసం అల్పాహారం తీసుకోండి. బరువు పెరగకుండా ఉండడానికి ఆహారం మానేయడం చేస్తూ ఉంటారు. అలాకాక గ్రీన్ టీ ప్రతి రోజూ తీసుకుంటే బరువు తగ్గుతారు. క్రమ పద్ధతిలో ఆహార నియమాలు పాటిస్తూ వ్యాయామం, నడక చేస్తూంటే బరువు తగ్గి, నాజూకుగా తయారవుతారు. గ్రీన్ టీలో ఉన్న యాంటీ ఆక్సిడెంట్లు వల్ల శరీరానికి ఆరోగ్యం లభిస్తుంది.

ప్రతీరోజూ అల్పాహారం తీసుకున్నందువల్ల జీవక్రియ చురుగ్గా జరుగుతుంది. ఉత్సాహంగా పను చేసుకోగలుగుతారు. ప్రతి పనిని క్రమపద్ధతిలో చేసుకోవాలి. రాత్రి నిద్రకు రెండు గంటల ముందు భోజనం చేయడం మంచి అలవాటు. భోజనంలో నూనె పదార్థాలు మసాలాలతో చేసిన ఘాటైన వేపుళ్లు లేకుండా తేలిగ్గా జీర్ణమయ్యే ఆహారం తీసుకుంటే చాలా మంచిదని ఆరోగ్య నిపుణులు అంటున్నారు. 

ఇవి శరీర బరువును తెగ పెంచేస్తాయి... జాగ్రత్త..!!

నిత్యం తీసుకునే ఆహారంలో కొన్ని పదార్థాలను దూరం చేయకపోతే బరువు నియంత్రణలో ఉండటం అసాధ్యం. అందుకే తగిన ప్రణాళిక పాటిస్తూ అలాంటి వాటిని తీసుకోకుండా ఉంటే మంచిది.

పాలు తాగడం వల్ల ఆరోగ్యానికి ఎంతో మేలు. కాని బరువు తగ్గాలనుకునేవారు మాత్రం కొవ్వుతో నిండిన పాలు తాగకపోవడం మంచిది. నెలరోజులు వీటికి దూరంగా ఉంటే, తేడా మీకే తెలుస్తుంది.

చాలామంది భోజనానంతరం తీపి పదార్థాలు తీసుకుంటారు. దాని వల్ల శరీరానికి పోషక విలువల కంటే చక్కెర శాతం ఎక్కువ అందుతుంది. ఎక్కువ తీపి వల్ల నిద్ర కూడా సరిగ్గా పట్టదు.

భోజనం వేళలు పాటించనివారు విరామ సమయంలో అధిక కార్బొహైడ్రేట్లు లభించే శాండ్‌విచ్, సమోసా, బర్గర్ల వంటివి తీసుకోవడం వల్ల ఫలితంగా కొవ్వు నిల్వలు పేరుకుపోయి, ఊబకాయానికి దారితీయడంతో పాటు ఉదరసంబంధ సమస్యలూ వస్తాయి.

ప్రోటీన్లు లభించే ఎండుఫలాలు, నట్స్ అల్పాహారంగా తీసుకుంటే తక్షణమే శక్తి లభిస్తుంది. దాంతో పాటు ఆరోగ్యంగా కూడా ఉంటుంది.

నూనెలో దోరగా వేయించిన బంగాళాదుంప అధిక బరువుకు కారణమవుతుంది. ఈ దుంపలకు బదులుగా తాజా కూరగాయలు, ఆకుకూరలు తీసుకుంటే ఆరోగ్యానికి మేలు కలిగిస్తుంది. కావాలంటే దుంపలను మితంగా తీసుకోవచ్చు.

మీరు నిద్రలేమితో బాధపడుతున్నారా..!!

వంటింటి పోపు దినుసులను మితంగా వాడుకోవాలి. ఘాటు అధికంగా ఉండే లవంగాలు, యాలకులు, అల్లం, వెల్లుల్లి కలిపి వాడటం తగ్గించాలి. వీటిని విడిగా వాడితే సహజ ఔషధ తత్వాలు ఉంటాయి. కాబట్టి చిన్న చిన్న శరీర, ఆరోగ్య సమస్యలకు ఈ చిట్కాలను వాడండి.

* దాల్చిన చెక్క పొడిచేసి పాలతో తాగితే నిద్రలేమితో బాధపడేవారికి మంచి ఉపశమనం.

* యాలకులని పాలలో వేసి ఐదారు చుక్కల చొప్పున రాత్రిపూట తీసుకొంటే మంచి నిద్రపడుతుంది.

* పావుచెంచా పసుపును శోబిమచ్చలపై రాస్తే అవి క్రమంగా తగ్గిపోతాయి.

* విరేచనాలవుతున్నప్పుడు పాలలో కాస్త పసుపు కలిపి తీసుకుంటే ఫలితం ఉంటుంది.

* మంట, దురద, దద్దర్లు వంటి సమస్యలున్న చోట జీలకర్ర ముద్దను రాస్తే సమస్య తగ్గుముఖం పడుతుంది.

* కీళ్ల నొప్పులు బాధిస్తుంటే అక్కడ ఆవనూనెతో మర్ధన చేస్తే వెంటనే ఉపశమనాన్ని ఇస్తుంది.

* మెంతులని మెత్తగా నూరుకొని శిరోజాలకు పెడితే మృదువుగా మారతాయి.

* సున్నిపిండిలో మెంతుల్ని కలిపి వాడితే చర్మం ప్రకాశవంతాన్ని సంతరించుకుంటుంది.

* దాల్చిన చెక్క ముద్దని పాలలో కలిపి ముఖంపై మచ్చలకు రాస్తే అవి త్వరగా చర్మంలో కలిసిపోతాయి.

* లవంగాలను కాల్చి నమిలితే దగ్గు తగ్గుతుంది.

రోజుకో యాపిల్ తింటే రక్తపోటు సమస్యకు చెక్ పెట్టొచ్చు

నేటి ఉరుకులు పరుగుల జీవితంలో మానవుడు సవాలక్ష రోగాలతో సతమతమవుతున్నాడు. వీటిలో బీపీ(రక్తపోటు) ఒకటి. బీపీను తగ్గించుకునేందుకు అనేక మార్గాలు అందుబాటులో ఉన్నా అవి శరీరానికి హాని కలిగిస్తాయని పరిశోధనలు వెల్లడించాయి. కనుక రోజుకో యాపిల్‌ను తొక్క తీయకుండా తింటే రక్తపోటును తగ్గించుకోవచ్చంటున్నారు.

బీపీను తగ్గించుకునేందుకు కొందరు "గ్రీన్ టీ" తాగడం, "బ్లూ బెర్రీస్" తినడం వల్ల, రోజుకో యాపిల్ తినడం ద్వారా ఎటువంటి హానీ లేకుండా బీపీను తగ్గించుకోవచ్చంటున్నారు. బీపీను తగ్గించే ఔషధ గుణాలు యాపిల్ తొక్కలో ఆరు రెట్లు ఎక్కువ ఉన్నాయని, కాలంతో సంబంధం లేకుండా దొరికే పండు కనుక రోజుకో యాపిల్ తీసుకోవడం వల్ల బీపీకు చెక్ పెట్టవచ్చంటున్నారు వైద్యులు.

జలుబు, సైనస్‌లను వదిలించుకునేందుకు చిన్న సూత్రాలు

చుండ్రు సమస్యకు చిట్కాలివిగో....

ఇళ్ళలోనూ, పని స్థలంలోనూ పని భారంతో సతమతమయ్యే మహిళలకు వచ్చే ప్రధానంగా వచ్చే జుట్టు సమస్యల్లో చుండ్రు ఒకటి. చుండ్రు ఎక్కువైన వారికి తల పై భాగంలోని పొర పొలుసులు పొలుసులుగా వచ్చి బయటికి తెల్లగా అసహ్యంగా కనబడుతుంటుంది.

చుండ్రు బాధ ఎక్కువగా ఉన్నవారు కొబ్బరినూనెలో నిమ్మరసం పిండి గోరువెచ్చగా చేసి తలకు బాగా పట్టించాలి. నూనె పట్టించేటప్పుడు మాడుకు బాగా అంటేలా జాగ్రత్తపడాలి. అరగంటపాటు అలేగే ఉంచిన ఆరిన తరువాత తలస్నానం చేస్తే మంచి ఫలితం వస్తుంది. ఇలా వారానికి రెండు మూడుసార్లు చేస్తే చాలావరకు చుండ్రు సమస్య తగ్గుతుంది.

అంతేగాకుండా రాత్రిపూట గోరువెచ్చటి నూనెతో బాగా హెడ్ మసాజ్ చేసి, ఉదయాన్నే పెరుగులో మెంతిపిండి కలిపి తలకు పట్టించి ఆరిన తరువాత తలస్నానం చేస్తే చుండ్రు సమస్య నుంచి పూర్తిగా బయటపడవచ్చు.

ఇకపోతే హెడ్ మసాజ్ వల్ల ఉపయోగాలేంటో చూద్దాం. హెడ్ మసాజ్ చేసుకోవడం వల్ల అలసిన కళ్ళు రిలాక్స్ అవుతాయి. కళ్ళ మంటలు, తలనొప్పి తగ్గుతుంది. మసాజ్ మూలంగా రక్తప్రసరణ బాగా జరిగి, స్వేదరంధ్రాలు తెరచుకుని వెంట్రుకలు పెరిగేందుకు దోహదం చేస్తుంది. అంతేగాకుండా మాడుకు చలువ చేస్తుంది.

అంతేగాకుండా... వారానికోసారి హెడ్ మసాజ్ చేయించుకుని తలను శుభ్రం చేసుకుంటే పేల సమస్య నుండి దూరంగా ఉండవచ్చు. అయితే, ఈ హెడ్ మసాజ్‌ను ఎవరు పడితే వారు చేసుకోవడం కంటే, నిపుణులతో చేయించుకుంటేనే మెదడుకు, కళ్ళకు ఎక్కువ విశ్రాంతి లభిస్తుంది. అలాగని ప్రతిసారీ బ్యూటీపార్లర్‌కు ఏం వెళ్ళగలం అనుకోకండి. హెడ్ మసాజ్ చేయడం అలవాటు చేసుకుంటే... మెల్ల మెల్లిగా దాంట్లోనే నైపుణ్యం సాధించవచ్చు.

తలనొప్పి తగ్గేందుకు చిట్కాలు

బ్రౌన్ పేపర్ ముక్కను కత్తిరించి వెనిగర్‌లో ముంచాలి. వైట్ వెనిగర్ అయితే బాగా పనిచేస్తుంది. దాన్ని నుదుటిపై కాసేపు వుంచుకుంటే చిన్నగా వచ్చే తలనొప్పి మటుమాయమవుతుంది.

మరో చిట్కా- చేతులను అదేపనిగా కొన్ని నిమిషాలు సేపు ఊపడం. ఇది ఒక్కొక్కసారి పని చేస్తుంది. ఎందుకంటే చాలా తలనొప్పులు తల లోపలి రక్తనాళాలు నొక్కుకుపోవడం వల్ల వస్తాయి. చేతుల్ని బాగా కదిలించినప్పుడు రక్తప్రసరణ కొంత తగ్గుతుంది. అలా నాళాల పరిస్థితి సర్దుకుని తలనొప్పి తగ్గవచ్చు. అయితే అలా చేతులు కదపడం వల్ల అసౌకర్యంగా అన్పించినా, నొప్పి పెరిగినా వెంటనే ఆపేయాలి.

షుగర్ కంట్రోల్ ఎలా...?!!

డయాబెటిస్ అనేది తీవ్ర అనారోగ్య సమస్య అయింది. ప్రపంచవ్యాప్తంగా షుగర్ వ్యాధి రోగుల సంఖ్య పెరుగుతోంది. నయం చెయ్యడం కుదరని ఈ వ్యాధిని నియంత్రించాల్సి వుంటుంది. అలా నియంత్రించేందుకు కొన్ని చిట్కాలు 

*ప్రతిరోజు ఒక స్పూన్ మెంతులు ఒక గ్లాస్ నీళ్లలో వేసి రాత్రంతా నానబెట్టాలి. ఉదయం లేవగానే ఆ నీళ్ళు తాగి, నానిన మెంతులు తింటే అది ఇన్సులిన్‌లా పనిచేస్తుందంటారు.

*ప్రతిరోజు ఉదయం క్రమం తప్పకుండా విత్తనాలు తీసేసిన కాకరకాయ రసాన్ని తాగాలి.

*పచ్చి అరటిపండు పైతొక్క తీసి ఒక పాత్రలో వేసి దానిమీద నీళ్ళు పోసి రాత్రంతా వుంచి తెల్లవారిన తర్వాత ఆ నీటిని మూడు భాగాలు చేసి పగలు మూడుసార్లు తాగాలి.

*ఒక కప్పు నీళ్ళలో మామిడి ఆకులు 13 నుండి 16 వేసి బాగా మరిగించి, రాత్రంతా చల్లారనిచ్చి ఉదయం వడకట్టి ఆ నీటిని పరగడుపున తాగాలి.

*వెల్లుల్లి తినాలి లేదా వెల్లుల్లి కలిగిన మాత్రలు సేవిస్తే షుగర్ వ్యాధి అదుపులో వుంటుంది.

జలుబు వచ్చిందా... వెల్లుల్లి రెబ్బను కొరకుతూ ఉండండి..!!

జలుబును తగ్గించడంలో వెల్లుల్లి బాగా పనిచేస్తుందంటారు. వెల్లుల్లిపాయ పైపొర తీసేసి నోట్లో ఉంచుకోవాలి. తరుచుగా ఆ వెల్లుల్లిని కొరుకుతూ దాని నుంచి వచ్చే రసం మింగుతుండాలి. అలా నాలుగైదు గంటలకు ఓసారి కొత్త వెల్లుల్లిపాయను నోట్లో ఉంచుకుని రసం మింగాలి.

ఇలా చేయడం వల్ల జలుబు వల్ల వచ్చే ఇబ్బంది ఒకటి రెండు రోజుల్లోనే తొలగిపోతుంది. జలుబు చేసినపుడు ముక్కు దిబ్బడ వల్ల ఇబ్బంది పడుతుంటే వేడి వేడి లేదా మసాలా వాడిన ఆహారాన్ని తీసుకోవాలి. అందువల్ల మూసుకుపోయిన నాసికా రంధ్రాలు తెరుచుకుంటాయి. అనవసరంగా 'నోస్ డ్రాప్స్' లాంటివి కూడా వాడే పరిస్థితి తప్పుతుంది.

కొన్ని నిమిషాలపాటే శక్తి అంతా ఉపయోగించి వ్యాయామం చేసినా ఫలితం వుంటుంది. అప్పుడు మీ శరీరానికి ఆక్సిజన్ అవసరం పెరుగుతుంది. దాంతో మీరు గాఢంగా శ్వాసించడంతో జలుబు వల్ల మూసుకునే నాసికా రంధ్రాలు సహజంగానే తెరుచుకుంటాయి. ఛాతీ దగ్గర ఇబ్బంది కూడా తొలిగిపోతుంది.

జలుబు చేసినపుడు వేడివేడి వెనిగర్ ద్రావణం లేదా వైట్‌వైన్ వాసన పీల్చినా ఫలితం ఉంటుంది. కొన్ని నిమిషాలసేపు వాటి వాసనలు పీలిస్తే ఉపశమనం లభిస్తుంది. బలుబుతోపాటు వచ్చే దగ్గు, గొంతు గరగరలకి కూడా కొన్ని గృహ వైద్య చిట్కాలున్నాయి. ఓ పెద్ద నిమ్మకాయను తీసుకుని దానంతట అది రెండుగా విడిపోయేదాకా నెమ్మదిగా వేయించి, అప్పుడు దాని రసం తీసి దానికి అరస్పూన్ తేనే కలిపి తాగాలి. దగ్గు తగ్గుతుందనిపించేంత వరకూ గంటకోసారి ఇలా చేస్తుండాలి.

మహా మొండి చుండ్రు.. వదలగొట్టుకునేదెలా...?!!

చుండ్రుకు బాహ్యకారణాలు దారితీస్తాయని అందరూ సాధారణంగా భావిస్తారు. జీన్స్, చర్మతత్వాలు అంతర్గతంగా ప్రధాన పాత్ర వహించే కారణాలు. ఇతర బాహ్యకారణాలు చర్మ పరిస్థితిని తీవ్రతరం చేస్తాయి. సాధారణ ఆరోగ్య స్థితిగతులు చుండ్రుకు దారితీస్తాయన్నది నిపుణుల అభిప్రాయం.

ఎలా నివారించాలి :
నిజం చెప్పాలంటే చుండ్రు నివారణకు ప్రత్యేక చికిత్స లేదు. చుండ్రును నియంత్రించే ఉద్దేశ్యంతో రూపొందించిన షాంపూలు చర్మ పరిస్థితిని నియత్రించడంలో ప్రభావవంతంగా పనిచేస్తాయి. షాంపూను తలకు పట్టించి, మరగ వచ్చేవరకు రుద్ది కడిగేయడం వల్ల ఎటువంటి ఫలితమూ వుండదు. మాడుపై షాంపూ అప్లయ్ చేశాక కనీసం ఏడెనిమిది నిమిషాలు అలా ఉంచేసుకుని కడగాలి. దీనివల్ల యాంటీ ఫంగల్ లక్షణాలు బాగా పనిచేస్తాయి.

ఎందుకు తొలగించాలి :
చుండ్రువల్ల జుట్టురాలిపోతుంది. ముఖం, వీపు, మెడమలపై మొటిమలకు కారణమయ్యే అవకాశం ఉంది. చుండ్రుతోపాటు ముఖంపై అవాంఛిత రోమాలు, స్థూలకాయం, పాలిసిస్టిక్ ఓవరియస్ సిండ్రోమ్ వుందేమో తెలిపే వైద్య పరీక్ష చేయించుకోవాల్సి వుంటుంది.

చుండ్రుతో తరచూ ఇబ్బందిపడే వారు మాడుపై పొట్టురేగడం తగ్గగానే, యాంటీడాంట్రఫ్ షాంపూ వాడకూడదు. చాలా మంది స్త్రీ, పురుషులకు వేర్వేరు షాంపూలుంటాయని అంటుంటారు. కాని ఇది నిజంకాదు. చుండ్రుకు లింగవివక్ష వుండదు. చికిత్స ఎవరికైనా ఒక్కటే.

వేడినీటి స్నానంతో విసుగు, చికాకులను వాష్ చేసేయండి...

రోజంతా పని...పని విపరీతమయిన అలసటతో ఇంటికి చేరగానే హాయిగా వేడినీటితో వీలైనంత ఎక్కువసేపు స్నానం చేస్తే ఆ పని తాలుకూ ఒత్తిడులన్నీ దూరం అవుతాయి. వేడినీటి స్నానంతో విసుగును, చిరాకును వాష్ చేసేయవచ్చు. శరీరంలో సెన్సులన్నీ చురుగ్గా మారేందుకు, వేడెక్కిన ఆలోచనలకు బ్రేక్ ఇచ్చి ప్రశాంతంగా మారేందుకు దీనికి మించిన మందు బహుశా లేనేలేదు.

చర్మానికి కూడా మంచిది. నచ్చిన ఎసెన్షియల్ ఆయిల్స్‌ను నీటిలో కలుపుకుంటే మనస్సంతా తేలిక పడుతుంది. మంచి మూడ్‌లోకి వచ్చేస్తారు. సెంటెడ్ క్యాండిల్స్ వెలిగించుకోండి. తడి టవల్‌ను తలకు చుట్టుకుని కొద్దిసెపు రిలాక్సవ్వండి. మంద్రమైన సంగీతాన్ని ఆస్వాదించండి. ఇలా చేయడం వలన కొద్ది నిమిషాల తరువాత అద్భుతమయిన ఆనందం స్వంతం అవుతుంది. కాంతులతో తాజాగా బయటకు వచ్చేస్తారు.

శిరోజ సంరక్షణ కోసం....

శిరోజాల కొసలు చిట్లుతుంటే గోరువెచ్చని ఆముదంలో ఆలివ్ ఆయిల్ కలిపి తలకు పట్టించండి. శిరోజాలను టవల్‌తో చుట్టి ఒక అరగంట సేపు అలా ఉంచండి. తర్వాత షాంపూతోపాటు గుడ్డలోని పచ్చసోనను కలిపి తలంటి స్నానం చేయండి.

మరో చిట్కా- గ్యాలన్ చన్నీటికి అరకప్పు యాపిల్ సిడెర్ వెనిగర్‌ను కలిపి ఆ నీళ్ళతో శిరోజాల్ని శుభ్రం చేసుకోవాలి. శిరోజాలపై ఏమీ మిగలకుండా మంచి నీళ్ళతో మళ్ళీ మళ్ళీ శుభ్రం చేసుకోవాలి.

జుట్టు పలచబడుతున్నట్టయితే సల్ఫర్ అధికంగా వున్న ఆహారాలను ఎక్కువుగా తీసుకోండి. క్యాబేజి, బ్రస్సెల్స్, మొలకెత్తిన గింజలు, క్యాలీఫ్లవర్లో సల్ఫర్ ‌అధిక మోతాదులో వుంటుంది. బి విటమిన్లు అధికంగా వున్న ఆహారాలను కూడా ఎక్కువుగా తినాలి

పురుషుల పల్చని జుట్టుకు ఎలాంటి చికిత్స చేయాలి?

మహిళలకు సమానంగా పురుషులు వివిధ హెయిర్ స్టయిల్స్‌పై మక్కువ చూపుతున్నారు. అయితే జట్టు మాత్రం పల్చగా ఉందని బాధపడుతున్నారా అయితే ఏం చేయాలంటే.. ఆకుకూరలు, కాయగూరలు వంటివి తీసుకుంటూనే.. స్టయిలింగ్ జెల్స్ వాడండి.

* స్ప్రే జెల్స్ చిన్ని చిన్ని పాలిమర్స్ డ్రాప్ లెట్స్‌ను వెలువరిస్తాయి. తద్వారా మీకు నచ్చిన స్టయిల్లో హెయిల్ స్టయిల్ చేసుకోవచ్చు.
* ఇక పోమేడ్స్ నూనె ఆధారితంగా ఉండి జుట్టుకు అదనపు మెరుపునిస్తాయి.
* హెయిర్ వ్యాక్స్‌లు వాడితే శిరోజాలను దగ్గరగా పేర్చి గట్టిగా ఉండేలా చూపుతాయి.
* పేస్ట్ ఆయిల్, వ్యాక్స్ కలయికతో ఉంటుంది.

* హెయిర్ క్రీమ్స్, నూనె, వ్యాక్స్, పాలిమర్స్ కలగలిసి ఉండి పూర్తిస్థాయి నియంత్రణకు అవకాశం ఇస్తాయి. ఏది ఎంచుకున్నావిడిగా, దానిపై సూచనల మేరకు వాడాలి. కొద్దిపాచి జెల్ చాలు. అరచేతిలో వేసుకుని శిరోజాలకు పట్టించాలి. మాడు పొడిగా ఉన్నా, చుండ్రు ఉన్నా ఆల్కహాల్ లేని స్టయిలింగ్ జెల్ వాడాలి.